حوزہ نیوز ایجنسی کی رپورٹ کے مطابق، ایران کے شہر سیرجان کے امام جمعہ حجت الاسلام والمسلمین مسلمیزاده نے نماز جمعہ کمیٹی کے اجلاس میں اسرائیل کی جانب سے سید حسن نصراللہ کی شہادت پر شدید مذمت کرتے ہوئے کہا کہ فلسطینی مزاحمتی رہنما کی شہادت اسلامی دنیا کے لیے ایک عظیم نقصان ہے۔
انہوں نے کہا کہ دشمن یہ سمجھتا ہے کہ سید حسن نصراللہ جیسے مجاہد عالم کی شہادت کوئی اہمیت نہیں رکھتی، لیکن حقیقت میں یہ ایک عظیم مصیبت ہے جس نے اسلامی دنیا میں ایک ایسا خلاء پیدا کر دیا ہے جو پر نہیں ہونے والا۔
امام جمعہ نے مزید کہا کہ اسلامی دنیا میں سید حسن نصراللہ جیسی نادر شخصیات کم ہی پائی جاتی ہیں، خاص طور پر مشرق وسطیٰ کے اس علاقے میں۔ انہوں نے کہا کہ ایسی شخصیات بہت کم ملتی ہیں یا دوبارہ پیدا ہونے میں بہت وقت لگتا ہے۔
انہوں نے ایران کی مسلح افواج کی طاقت اور اسلامی جمہوریہ ایران کے دفاعی نظام کی تعریف کرتے ہوئے کہا کہ ایران کے دفاعی نظام نے دشمنوں کو زمین گیر کر دیا ہے اور وہ اب ایران کے خلاف کسی بھی قسم کا حملہ کرنے کی جرات نہیں رکھتے۔
امام جمعہ نے کہا کہ رہبر معظم کا نماز جمعہ کا قیام اور سید حسن نصراللہ کی یاد میں مجلس کا انعقاد، بالسٹیک میزائلوں کی نسبت زیادہ اثر انداز تھا۔ انہوں نے کہا کہ یہ اقدام اسلامی دنیا پر ایسا گہرا اثر ڈال چکا ہے کہ بہت سے لوگ اس عظیم رہبر کی قیادت کے تحت شیعہ ہونے کے لیے مشتاق ہیں۔
