حوزہ نیوز ایجنسی کی رپورٹ کے مطابق، حجۃ الاسلام والمسلمین علامہ شیخ علی بحسون کی سربراہی میں لبنان سے آئے علماء کرام کے وفد نے مرکزی دفتر نجف اشرف میں آیت الله العظمیٰ الحاج بشیر حسین نجفی سے ملاقات کی۔

آیت الله العظمیٰ بشیر نجفی نے وفد کا خیرمقدم کرتے ہوئے لبنان میں صیہونی حملوں کے بعد کی انسانی اور سیکیورٹی صورت حال پر گفتگو کی۔ وفد نے مرجعیت کے کردار کی تعریف کی جو مسلمانوں کے اہم مسائل کی نگرانی کرتی ہے، اور لبنان کے استحکام کی حمایت میں ان کی کوششوں کو سراہا۔

ملاقات کے دوران، آیت الله العظمیٰ شیخ بشیر حسین نجفی نے امت اسلامیہ کے افراد کے درمیان صف اور کلمے کی وحدت کی ضرورت پر زور دیا تاکہ صیہونی سازشوں کا مقابلہ کیا جا سکے۔ انہوں نے علاقے کی استحکام کو متاثر کرنے والی منصوبہ بندیوں کے خلاف اتحاد اور بیداری کی اہمیت پر بھی تاکید کی۔

ملاقات کے اختتام پر، انہوں نے دعا کی کہ اللہ تعالیٰ مسلمانوں کو صیہونی ٹولے کے ظلم و ستم سے محفوظ رکھے اور ان کے خلاف ثابت قدم رہنے کی توفیق عطا فرمائے۔ انہوں نے یہ بھی دعا کی کہ اللہ ان جرائم پیشہ گروہوں کو نیست و نابود کرے اور لبنان میں امن و سکون بحال ہو۔