حوزہ نیوز ایجنسی کے مطابق، شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے جامعۃ المعصومین سدھو پورہ کے 48ویں سالانہ جلسے میں شرکت کی۔
رپورٹ کے مطابق ان کی آمد پر جامعہ کے پرنسپل علامہ ناظم حسین، مولانا نصرت عباس اور مولانا امتیاز حسین نے طلباء و مومنین کے ہمراہ ان کا پُرتپاک استقبال کیا۔
علامہ شبیر میثمی نے اپنے خطاب میں دینی تربیت، اخلاقی اقدار، پاراچنار، کشمیر، غزہ و جنوبی لبنان کی موجودہ صورتحال اور سید حسن نصر اللہ کے چہلم کی مناسبت سے مفصل گفتگو کی۔
انہوں نے اپنے خطاب میں قائد ملت جعفریہ پاکستان کی خدمات پر بھی مختصر مگر جامع روشنی ڈالی۔
قابل ذکر ہے کہ اس موقع پر علامہ فیاض حسین مطہری اور مولانا امداد علی گھلو بھی ان کے ہمراہ موجود تھے۔
