حوزہ نیوز ایجنسی کی رپورٹ کے مطابق، حزب اللہ لبنان کے سیکریٹری جنرل حجت الاسلام شیخ نعیم قاسم نے اپنے خطاب میں کہا کہ آج میں سید مقاومت، شہید سید حسن نصر اللہ کی تشییع جنازہ اور جنوبی لبنان کی صورت حال کے بارے میں بات کروں گا۔
انہوں نے کہا کہ لبنانی حکومت کے کندھوں پر ذمہ داری عائد ہوتی ہے کہ وہ اسرائیلی دشمن کی طرف سے جنگ بندی کی خلاف ورزیوں کا سختی سے نوٹس لے، یہ صرف جنگ بندی کی خلاف ورزی نہیں ہے، بلکہ کھلی جارحیت ہے اور لبنانی حکومت کو اس سے فیصلہ کن طور پر نمٹنا چاہیے اور جنگ بندی کے ضامن کے طور پر امریکہ پر دباؤ ڈالا جائے۔
حجت الاسلام شیخ نعیم قاسم نے زور دیا کہ مزاحمت ایک مشن اور ایک آپشن ہے اور ہم اپنے منصوبوں کے مطابق صحیح وقت پر عمل کریں گے۔ امریکہ، اسرائیل اور بعض بیرونی ممالک کی حمایت سے داخلی حملے ہو رہے ہیں۔
انہوں نے مزید کہا کہ ہم فلسطینی مزاحمت القسام کے کمانڈر محمد الضیف اور ان کے نائب مروان عیسیٰ کی شہادت پر فلسطینی قوم کی خدمت میں تعزیت اور اسیروں کی رہائی پر مبارکباد پیش کرتے ہیں۔
حزب اللہ لبنان کے سیکرٹری جنرل نے اس بات پر تاکید کی کہ قیدیوں کی رہائی فلسطینی قوم کی حقیقی فتح تھی، اس سلسلے میں فلسطینی قوم اور مزاحمت کے تمام حامیوں کو مبارک باد ہو۔
آپ کا تبصرہ