حوزہ نیوز ایجنسی کے مطابق، چیئرمین الصادق انسٹیٹیوٹ آف اسلامک بینکنگ فائنانس، چیئرمین زہرا (س) اکیڈمی و سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی سے ڈپٹی گورنر منہاج القرآن یونیورسٹی لاہور فرزند شیخ الاسلام علامہ ڈاکٹر طاہر القادری، ڈاکٹر حسین محی الدین قادری کی زہرا(س) اکیڈمی کراچی میں اعلی سطحی وفد کے ہمراہ ملاقات ہوئی۔
رپورٹ کے مطابق اس ملاقات میں چیئرمین صاحب نے وفد کا استقبال کیا اور تشریف آوری پر گلدستہ بھی پیش کیا، بعدازاں علمی و فکری نشست ہوئی۔ جس میں بین الاقوامی، ملکی ، اتحاد بین المسلمین، اسلامی بینکنگ و دیگر اہم معاملات پر تفصیلی گفت و شنید ہوئی۔
علامہ شبیر حسن میثمی نے وفد کی تشریف آوری پر خصوصی شکریہ ادا کیا اور ڈاکٹر حسین محی الدین قادری کو حرم مطہر حضرت امام حسین علیہ السلام کا تحفہ بھی پیش کیا۔ آخر میں ملک و قوم کی سلامتی کی اجتماعی دعا بھی کی گئی۔
قابل ذکر ہے کہ اس نشست میں علماء کرام، سیاسی و سماجی اور تمام شعبہ ہائے زندگی سے تعلق رکھنے والے اہم افراد شریک تھے۔
آپ کا تبصرہ