حوزہ نیوز ایجنسی کی رپورٹ کے مطابق، پاکستان کے شہر کراچی میں علامہ شبیر حسن میثمی سے چیئرمین مرکزی رویت ہلال کمیٹی جناب عبدالخبیر آزاد نے ملاقات کی اور ان کے بھائی کے انتقال پر افسوس اور تعزیت کا اظہار کیا۔
چیئرمین مرکزی رویت ہلال کمیٹی جناب عبدالخبیر آزاد اعلیٰ سطحی وفد کے ہمراہ زہرا (س) اکیڈمی، کراچی میں مرکزی سیکرٹری جنرل شیعہ علماء کونسل پاکستان سے ان کے برادر بزرگوار مرحوم مصدق حسین لاکھانی کی فاتحہ خوانی کے لیے تشریف لائے اور ان سے تعزیت کی اور مرحوم کے بلندی درجات کی دعا کی۔
بعد ازاں مختلف اہم امور پر تفصیلی تبادلہ خیال بھی ہوا۔
قابل ذکر ہے کہ اس موقع پر سیکرٹری جنرل کے فرزند مولانا ڈاکٹر محمد میثمی بھی موجود تھے۔
