حوزہ نیوز ایجنسی کی رپورٹ کے مطابق، جناب مہدی قیصری نیک نے اس حوالے سے تفصیلات بتاتے ہوئے کہا کہ چودہویں سالانہ رضوی کتاب فیسٹیول کے سیکرٹریٹ نے وسیع پیمانے پر اس فیسٹیول کی اشتہاراتی مہم اور فیسٹیول میں شرکت کی دعوت کے لیے مختلف ذرائع بشمول ای میل، میسیجز اور پوسٹ خط سے استفادہ کیا ہے۔
انہوں نے مزید کہا کہ فیسٹیول کے اس دورے کا دعوت نامہ پانچ زبانوں بشمول انگریزی، اردو، فرانسیسی، عربی اور روسی زبان میں مختلف ذرائع کے ساتھ پبلشرز، علمی مراکز، یونیورسٹیوں اور مذہبی شخصیات کو بھیجا گیا ہے۔
جناب قیصری کا کہنا تھا کہ رضوی کتاب فیسٹیول کا دعوت نامہ اسلامک کمیونیکیشن اینڈ کلچرل آرگنائزیشن کے توسط سے دنیا بھر میں ایران کے ساٹھ ثقافتی ترجمانوں کو اور ملک کے مشرق میں واقع وزارتِ خارجہ کی نمائندگی کے توسط سے اسلامی جمہوریہ ایران کے قونصل خانوں کو روانہ کیا گیا ہے۔
فیسٹیول کی ایگزیکٹیو کمیٹی کے چیئرمین نے ہندوستان میں رہبر معظم انقلابِ اسلامی کے دفتر کی جانب سے برصغیر میں فیسٹیول میں شرکت کی کال دینے کا ذکر کرتے ہوئے کہا کہ اس کے علاوہ حرم امام رضا کے ادارۂ برائے تبلیغات اسلامی کے تمام سوشل نیٹ ورکس اور ای میل صارفین کو بھی دعوت نامہ بھیجا گیا ہے۔
انہوں نے مزید کہا کہ ای میل کے ذریعے تین ہزار ملکی پبلشرز کو دعوت نامہ بھیجے جانے کے علاوہ دو ہزار پبلشرز کو پوسٹ کے ذریعے بھی دعوت نامہ بھیجا گیا ہے اور انہیں باقاعدہ طور پر فیسٹیول میں شرکت کی دعوت دی گئی ہے۔
جناب قیصر نیک نے بتایا کہ فیسٹیول کے ’’خادم کتاب رضوی‘‘ حصے میں جو کہ گزشتہ تین سالوں میں کتاب کے حوالے سے فعال رہے ہیں انہیں ٹیلی فون کے ذریعے فیسٹیول میں شرکت کی دعوت دی گئی ہے اس کے علاوہ فیسٹیول کے سابقہ دوروں میں شرکت کرنے والوں کو بھی خصوصی طور پر اس میں شرکت کی دعوت دی گئی ہے ۔
انہوں نے بتایا کہ فیسٹیول میں شرکت کے خواہاں افراد 21 مارچ2025 تک اپنے اپنے مضامین اور آثار چودہویں رضوی کتاب فیسٹیول کے سیکرٹریٹ کو بھیج سکتے ہیں۔
واضح رہے کہ یہ فیسٹیول آرگنائزیشن آف لائبریریز، میوزیمز اور آستان قدس رضوی کے دستاویزاتی مرکز کی کاوشوں سے منعقد کیا گیا ہے۔
فیسٹیول میں شرکت کرنے کے خواہشمند افراد مزید معلومات حاصل کرنے کےلئے فیسٹیول کی سائٹ https://library.razavi.ir/ketabsal پر رجوع کر سکتے ہیں۔
آپ کا تبصرہ