حوزہ نیوز ایجنسی کی رپورٹ کے مطابق،حجت الاسلام علامہ شفاء نجفی اور مولانا تصور حسین حالیا مقیم بیلجیئم نے مرجع تقلید آیت اللہ العظمی حافظ بشیر حسین نجفی سے ان کے مرکزی دفتر نجف اشرف میں ملاقات کی۔
اس ملاقات میں مرجع عالی قدر نے امام حسین علیہ السلام کی عظمت کو بیان کرتے ہوئے فرمایا کہ آخرت میں جب مؤمنین کو امام حسین علیہ السلام کی زیارت نصیب ہو گی تو مؤمنین امام حسین علیہ السلام کی زیارت سے سیر نہیں ہونگے ۔
مزید برآں مرجع عالی قدر نے فرمایا کہ کچھ قرآنی آیات اس طرف بھی اشارہ کرتی ہیں کہ آخرت میں امام حسین علیہ السلام کی زیارت کرنے والے مؤمنین جب تک جنت میں داخل نہیں ہونگے،ان سے پہلے جنت کے دروازے نہیں کھولے جائیں گے۔
دوسری جانب ان علمائے کرام نے آیت اللہ العظمیٰ حافظ بشیر نجفی کی صحت کے متعلق دریافت کیا اور ان کی طول عمر کے لیے دعا فرمائی۔
مرجع عالی قدر نے ان علمائے کرام کی کاوشوں کو سراہتے ہوئے ان کی توفیقات خیر کے اضافے کے لیے دعا فرمائی۔
آپ کا تبصرہ