حوزہ نیوز ایجنسی کی رپورٹ کے مطابق، ٹرمپ نے اپنے اس دعوے میں مزید کہا ہے کہ "تمام طیارے اب ایران کی فضائی حدود سے باہر ہیں۔ بمبز کا ایک مکمل پے لوڈ بنیادی سائٹ فردو پر گرا دیا گیا تھا۔ تمام طیارے محفوظ طریقے سے چل رہے ہیں"۔
اسی طرح عبرانی میڈیا نے بھی دعوی کیا ہے کہ "فردو میں جوہری سہولیات پر 2 ٹن وزنی کئی GBU-57 بموں کو گرایا گیا"۔
ایرانی ٹی وی نے بھی اب سے کچھ دیر پہلے فردو کے بعض حصوں پر ناشناس ذرائع سے حملوں کی تصدیق کی ہے۔
ایرانی سرکاری میڈیا کے مطابق فردو سمیت تین جوہری مقامات کو کچھ عرصہ قبل خالی کرا لیا گیا تھا اور افزودہ یورینیم کے ذخیرے کو ان مقامات سے ہٹا دیا گیا تھا، لہذا تابکاری کے رساؤ کا کوئی خطرہ نہیں ہے۔
قم کی صوبائی کرائسس مینجمنٹ کمیٹی کے ترجمان مرتضیٰ حیدری نے کہا: شہر مقدس قم اور پورے صوبے میں مکمل امن و سکون اور اطمینان کی فضا قائم ہے۔
چند گھنٹے قبل قم میں فضائی دفاعی نظام فعال ہوا اور دشمن کے متخاصم اہداف کی نشاندہی کی گئی جس کے دوران فردو کے ایٹمی مرکز کے کچھ حصے کو دشمن کے فضائی حملے کا سامنا کرنا پڑا۔
انہوں نے مزید کہا: عوام سے گزارش ہے کہ افواہوں پر کان نہ دھریں۔
اصفہان کے ڈپٹی گورنر برائے سیکیورٹی نے کہا: کچھ دیر قبل اصفہان اور نطنز، کاشان میں فضائی دفاعی نظام نے متخاصم اہداف کا مقابلہ کرنے کے لیے کارروائی شروع کی اور اس دوران چند دھماکوں کی آوازیں بھی سنائی دی ہیں۔
آپ کا تبصرہ