حوزہ نیوز ایجنسی کے مطابق، قائد ملت جعفریہ پاکستان علامہ سید ساجد علی نقوی نے دوحہ میں اسرائیلی حملے کی شدید مذمت کرتے ہوئے کہا: قطر پر حملہ بین الاقوامی قوانین کی سنگین خلاف ورزی ہے۔
انہوں نے کہا: ہم روز اول سے ہی متوجہ کر رہے ہیں کہ اسرائیل مظلوم فلسطینیوں کے علاوہ خطے کے دیگر ممالک کیلئے بھی سنگین خطرہ ہے۔
علامہ سید ساجد نقوی نے مزید کہا: لبنان، ایران، شام اور یمن پر اسرائیلی حملوں کے بعد قطر پر حملہ انتہائی تشویشناک ہے۔ دنیا خصوصاً امت مسلمہ کب بیدار ہو گی؟
انہوں نے مزید کہا: اس صورتحال میں ہم دوست ملک قطر اور اس کی عوام کے ساتھ مکمل اظہار یکجہتی کرتے ہیں۔
آپ کا تبصرہ