حوزہ نیوز ایجنسی کی رپورٹ کے مطابق، وارانسی/ مثل سالہائے گزشتہ اس سال بھی جشن مطلع النورین بمناسبت طلوع نیرین رسالتمآبؐ و صادق آل محمدؑ زیر صدارت سرکار شمیم الملت حضرت آیۃ اللہ سید شمیم الحسن رضوی دام ظلہ الوارف منجانب طلاب اساتذہ و اراکین جامع العلوم جوادیہ ،حوزہ علمیہ جامعہ جوادیہ بنارس کا سالانہ قدیم و عظیم الشان طرحی مقاصدہ بتاریخ ۱۶؍ربیع الاول ۱۴۴۷ھ مطابق ۹؍ستمبر ۲۰۲۵ءبروز سہ شنبہ بعد نماز مغربین انعقاد پذیر ہوا ۔اولاً نماز مغربین با جماعت ادا کی گئی بعدہ‘ مقامی و بیرونی شعرائے کرام نے درج ذیل مصرعہ طرح پر بارگاہ رسالت و امامت میں منظوم نذرانۂ عقیدت و محبت پیش کئے۔
مصرعہ طرح : امین و صادق کا عشق دل میں بسالو حاصل نجات ہوگی؍نجات ہوگی
یہ محفل مقاصدہ اپنی علمی و ادبی اور مذہبی تہذیب و ثقافت اور شان و شوکت کے اعتبار سے منفرد و ممتاز حیثیت کا حامل ہوا کرتا ہے۔اولاً یہ کہ مدح میں ممدوح کی مناسبت کا خیال رکھا جاتا ہے۔دوسرے یہ کہ شعرائے کرام غیر طرحی قطعہ و کلام نہیں پڑھتے۔تیسرے یہ کہ بغیر ٹوپی کے کرسی پر بیٹھ کے سربرہنہ کوئی شاعر مدح خوانی نہیں کرتا۔تیسرے یہ کہ علماء حضرات زیادہ تعداد میں اپنے اپنے کلام خود پڑھتے ہیں۔چوتھے یہ کہ نعرہ صلوات،نعرہ حیدری ،نعرہ تکبیر،اور سبحان اللہ ،واہ واہ ایسے کلمات ِ داد و تحسین کے علاوہ دیگر نعرہ بازی سے حتی الامکان پرہیز کیا جاتا ہے۔
اس سال پیغمبر اسلام کی ولادت باسعادت کے پندرہ سو سال ہونے پر ایک خصوصی پروگرام شامل کیا گیا جس میں مولانا رئیس احمد جارچوی دہلی نے تقریر کرتے ہوئے کہا کہ یہ ایک تحریک ہے جسے جاری رہنا چاہیئے۔
محفل مقاصدہ میں جن علماءوشعراء نے اپنے اپنے طرحی کلام پیش کئے ان میں سے بعض مشاہیر کے اسمائے گرامی درج ذیل ہیں۔اور بعض کی تصاویر بھی یہاں نذر ناظرین ہیں:۔
مولانا رئیس جارچوی ،ڈاکتر رضا مورانوی،جناب ناصر جرولی،جناب بلال نقوی،ڈاکٹر نایاب ہلوری،جناب ہلچل اعظمی،ڈاکٹر نایاب بلیاوی،جناب فیاض رائے بریلوی ،جناب نفیس ہلوری،جناب رضی بسوانی،جناب چندن فیض آبادی،ڈاکتر مائل چندولوی،جناب اطہر موہانی،جناب منور جلال پوری،جناب کمیل الہ آبادی،جناب محب مورانوی،جناب وارث جلال پوری،مولانا محسن جونپوری،پروفیسر عزیز بنارسی،مولانا اشتیاق راجیٹوی،پروفیسر علی اعظمی،مولانا قرطاس کربلائی،مولانا فیض عسکری وغیرہ۔
پروگرام کا آغاز جناب طاہر سلمہ کی تلاوت کلام پاک سے ہوا اور بین الاقوامی شہرت یافتہ مجلس و محفل و مشاعرہ کے ماہر وتجربہ کار ناظم جناب نصیر اعظمی صاحب نے بہترین نظامت فرمائی۔
اس موقع پر معروف محقق و مبلغ مولانا ابن حسن املوی واعظ بانی و سرپرست حسن اسلامک ریسرچ سینٹر املو مبارکپور،مولانا مظاہر حسین پرنسپل مدرسہ باب العلم مبارکپور،مولانا سید صفدر حسین پرنسپل جامعہ امام جعفر صادق جونپور،مولانا عرفان عباس امام جمعہ مبارکپور،مولانا تنویر الحسن امام جمعہ غازی پور،مولانا معصوم رضا واعظ امام جمعہ چھپرا بہار،مولانا عطا حیدر ممبئی سمیت پوروانچل کے اکثر علماءو خطباء و ذاکرین ، حوزات علمیہ کے اساتذہ اور بنارس کی تمام انجمنوں کے ذمہداران نیز مقامی و بیرونی مومنین کرام نے کثیر تعداد میں شرکت فرمائی۔
آپ کا تبصرہ