حوزہ نیوز ایجنسی کی رپورٹ کے مطابق، عراق نے اسلامی مزاحمتی تحریک حزب الله لبنان اور انصار الله یمن کو دہشت گرد تنظیموں کی فہرست سے نکال دیا ہے۔
واضح رہے چند روز قبل، عراق کی دہشت گردوں کے اثاثے منجمد کرنے والی ایک کمیٹی نے حزب الله لبنان اور انصار الله یمن کو دہشت گردوں کی فہرست میں شامل کردیا تھا؛ تاہم اس اقدام پر بہت زیادہ تنقید اور بحث ہوئی تھی۔
بین الاقوامی ذرائع ابلاغ کے مطابق، عراقی حکومت نے با ضابطہ طور پر حزب الله لبنان اور انصار الله یمن کے نام دہشت گرد تنظیموں کی فہرست سے خارج کر دئیے ہیں۔
دہشت گردوں کے اثاثے ضبط کرنے والی کمیٹی نے عراق میں باضابطہ فیصلہ کیا ہے کہ تحریکِ انصار الله یمن اور حزب الله لبنان کے نام دہشت گرد تنظیموں کی فہرست سے ہٹا دیئے جائیں، یوں اس فیصلے پر اٹھنے والے تنازعات کا خاتمہ ہو گیا ہے۔
بین الاقوامی ذرائع ابلاغ کے مطابق، اس کمیٹی نے اپنے ایک سرکاری اعلان میں کہا ہے کہ انصار الله یمن اور حزب الله لبنان کا نام دہشت گردوں کی فہرست سے خارج کر دیا گیا ہے، وہ فہرست جس میں ان دو مزاحمتی تحریکوں کے نام شامل کیے جانے کے بعد وسیع پیمانے پر بحث، احتجاج اور تنقید شروع ہو گئی تھی۔
آپ کا تبصرہ