حوزہ نیوز ایجنسی کی رپورٹ کے مطابق، ماہِ رجب کی مناسبت سے رہبر معظم کے بیانات کے منتخب اقتباسات بندگی کے ان قیمتی مواقع کی اہمیت کو واضح کرتے ہیں۔
غافل دل شیطان کے حملوں کی زد میں رہتا ہے، اور جب شیطان انسان کے دل و جان پر قابو پا لیتا ہے تو دنیا میں شر اور فساد پیدا ہو جاتا ہے۔
ہر طرح کے شر اور فساد کے مقابلے کا بہترین اور حقیقی طریقہ یہ ہے کہ انسان خدا سے مضبوط تعلق قائم کرے اور اپنے دل و جان کو شیطان کے اثر و غلبے سے محفوظ بنائے۔
اگر اُن انسانوں کے دلوں پر شیطان مسلط نہ ہوتا جو عالمی معاشروں میں بڑے اثرات کے حامل ہیں، تو دنیا امن و سکون دیکھتی اور انسانیت سلامتی و اطمینان سے بہرہ مند ہوتی۔
بشر کی تمام بدبختیوں کی جڑ خدا سے دوری ہے۔ اسی لیے اسلام میں خداوندِ متعال سے خصوصی قربت کے لیے کچھ خاص مواقع مقرر کیے گئے ہیں۔
ان میں سے ایک ماہِ رجب ہے۔ ماہِ رجب کی قدر کریں۔ اس مہینے میں وارد ہونے والی تمام دعائیں محض زبانی الفاظ نہیں بلکہ تربیت اور ہدایت کا درس ہیں۔
ان دعاؤں کو حضورِ قلب کے ساتھ، ان کے گہرے معانی کو سمجھتے ہوئے دل اور زبان پر جاری کریں۔ اگر مسلمان—جوان ہو یا بوڑھا، مرد ہو یا عورت—ماہِ رجب اور پھر ماہِ شعبان میں خدا کے ساتھ اپنے تعلق کو صاف اور قریب تر کر لے، تو وہ پوری تیاری کے ساتھ ماہِ رمضان میں داخل ہوتا ہے۔
تب ماہِ رمضان حقیقی معنوں میں الٰہی ضیافت کا مہینہ بن جاتا ہے۔ انسان کو پہلے خود کو تیار کرنا چاہیے، پھر اس ضیافت میں قدم رکھنا چاہیے۔
یہ پاکیزگی رجب اور شعبان میں حاصل کی جائے تاکہ رمضان میں خدا کے دسترخوانِ کرم پر حاضر ہو کر اس کی نعمتوں اور فیوضات سے بھرپور فائدہ اٹھایا جا سکے۔
آپ کا تبصرہ