حوزہ نیوز ایجنسی کی رپورٹ کے مطابق، ایم ڈبلیو ایم پاکستان کے اعلیٰ سطح وفد نے گزشتہ دنوں تنظیم کے چیئرمین سینیٹر علامہ راجہ ناصر عباس جعفری کی سربراہی میں اسلامی جمہوریہ ایران کے سفارت خانے کا دورہ کیا؛ وفد میں وائس چیئرمین علامہ سید احمد اقبال رضوی، سید ناصر عباس شیرازی، علامہ سید حسنین گردیزی، رکن قومی اسمبلی انجینئر حمید طوری، سید اسد نقوی سمیت دیگر رہنما شامل تھے۔
اس موقع پر اسلام آباد میں ایرانی سفیر ڈاکٹر رضا امیری مقدم سے تفصیلی ملاقات اور تبادلہ خیال کیا گیا۔
ملاقات کے دوران وفد نے رہبرِ مسلمینِ جہاں آیت الله العظمیٰ سید علی خامنہ ای (مدظلہ العالی)، ایرانی اسلامی حکومت اور شجاع و غیور ایرانی عوام کے ساتھ بھرپور یکجہتی اور غیر متزلزل حمایت کا اظہار کیا۔
اس موقع پر وفد نے امریکہ اور غاصب اسرائیل کی جانب سے ایران میں حالیہ فسادات اور پرتشدد مظاہروں کی پشت پناہی، رجیم چینج کی مذموم کوششوں، حملے کی دھمکیوں اور ظالمانہ معاشی پابندیوں کی شدید الفاظ میں مذمت کی۔
وفد نے واضح کیا کہ اسلامی جمہوریہ ایران کے خلاف عالمی سامراجی سازشیں کبھی کامیاب نہیں ہوں گی۔
مجلس وحدت مسلمین پاکستان کے وفد نے اس عزم کا اعادہ کیا کہ امتِ مسلمہ ہر محاذ پر مظلوم اقوام کے ساتھ کھڑی رہے گی اور خطے میں امن، خودمختاری اور مزاحمتی قوتوں کی حمایت جاری رکھی جائے گی۔
آپ کا تبصرہ