حوزہ نیوز ایجنسی کی رپورٹ کے مطابق، حزب اللہ لبنان نے اپنے تعزیتی بیان میں آیت اللہ العظمیٰ فیاض کی علمی، فکری اور معنوی خدمات کو خراجِ عقیدت پیش کرتے ہوئے کہا کہ انہوں نے کئی دہائیوں تک تدریس، تربیت اور علمی رہنمائی کے ذریعے علماء، فضلاء اور دینی طلبہ کی نسلیں تیار کیں، جنہوں نے ان کے علمی و اخلاقی پیغام کو عالم اسلام کے مختلف خطوں تک پہنچایا۔
بیان میں کہا گیا کہ آیت اللہ العظمیٰ فیاض، مرجع بزرگ آیت اللہ العظمیٰ سید ابو القاسم خوئی کے ممتاز شاگردوں میں شمار ہوتے تھے۔ انہوں نے اپنی گراں قدر فقہی، اصولی اور علمی تحقیقات و تصنیفات کے ذریعے اسلامی علمی ذخیرے کو مالا مال کیا اور حکمت، اعتدال اور رواداری پر مبنی اسلامی اقدار کے فروغ میں اہم کردار ادا کیا۔
حزب اللہ نے مزید کہا کہ مرحوم مرجع تقلید اپنی اصولی اور ثابت قدمانہ مؤقف کے لیے بھی معروف تھے اور ہمیشہ امت کے عادلانہ مسائل، مظلوموں کے حقوق اور حق و انصاف کی حمایت کرتے رہے۔
بیان کے اختتام پر حزب اللہ لبنان نے مرجع عالی قدر سید علی حسینی سیستانی، مراجع عظام، حوزات علمیہ، علماء امت، مرحوم کے اہل خانہ، شاگردوں، عقیدت مندوں اور مقلدین کی خدمت میں تعزیت پیش کرتے ہوئے دعا کی کہ اللہ تعالیٰ مرحوم کو اپنی وسیع رحمت اور رضوان میں جگہ عطا فرمائے اور پسماندگان کو صبر جمیل عنایت کرے۔
آپ کا تبصرہ