حوزہ نیوز ایجنسی کی رپورٹ کے مطابق، عصرِ غیبت کے ہنگامہ خیز دور میں امام عصر عجل اللہ تعالیٰ فرجہ الشریف سے قلبی تعلق قائم کرنے کا راستہ تلاش کرنا ہر منتظر مؤمن کی اہم خواہش ہے۔ حجۃ الاسلام والمسلمین فرحزاد نے امام حسن عسکری علیہ السلام کے ارشاد کی روشنی میں اس تعلق کے لیے دو اہم اصول «اطاعت» اور «اخلاص» بیان کیے ہیں۔
امام حسن عسکری علیہ السلام، امام زمانہ عجل اللہ تعالیٰ فرجہ الشریف کے والد گرامی، نے فرمایا ہے کہ عصرِ غیبت میں دو ایسے گروہ ہیں جن کے دل امام زمانہ عجل اللہ تعالیٰ فرجہ الشریف کی جانب مائل ہوتے ہیں اور ان سے قلبی تعلق قائم رہتا ہے؛ ایک اہلِ اطاعت اور دوسرے اہلِ اخلاص۔
انہوں نے کہا کہ «اطاعت» اور «اخلاص» دو مختصر الفاظ ہیں، لیکن ان کی اہمیت بہت زیادہ ہے۔
اطاعت کا مطلب یہ ہے کہ انسان یہ دیکھے کہ اللہ تعالیٰ اس سے کیا چاہتا ہے اور پھر اسی کے مطابق عمل کرے۔ اطاعت کا مطلب بندگی ہے؛ یعنی انسان اللہ کا بندہ بنے اور امام زمانہ عجل اللہ تعالیٰ فرجہ الشریف کی اطاعت و بندگی کی راہ پر چلے۔
جو لوگ اطاعت اور بندگی کے راستے پر گامزن رہتے ہیں، ان کے دل امام زمانہ عجل اللہ تعالیٰ فرجہ الشریف سے جڑ جاتے ہیں اور ان کے دل ہمیشہ اپنے امام کی جانب کھنچے چلے جاتے ہیں۔
آپ کا تبصرہ