۷ مرداد ۱۴۰۰ | Jul 29, 2021
انتخابات میں رہبر انقلاب اسلامی کی شرکت

حوزہ/ رہبر انقلاب اسلامی آیت اللہ العظمی خامنہ ای نے آج صبح ووٹ ڈالنے کے بعد فرمایا: " انتخابات کا دن ایران کی عوام کا دن ہے۔ آج کے دن کے مالک عوام ہیں۔ عوام ہی اپنے ووٹ سے آئندہ برسوں کے لئے ملک کے کلی اور کلیدی معاملات کا تعین کریں گے۔

حوزہ نیوز ایجنسی کی رپورٹ کے مطابق،رہبر انقلاب اسلامی آیت اللہ العظمی خامنہ ای نے آج صبح ووٹ ڈالنے کے بعد فرمایا: " انتخابات کا دن ایران کی عوام کا دن ہے۔ آج کے دن کے مالک عوام ہیں۔ عوام ہی اپنے ووٹ سے آئندہ برسوں کے لئے ملک کے کلی اور کلیدی معاملات کا تعین کریں گے۔

رہبر انقلاب اسلامی نے تیرہویں صدارتی انتخابات، شہری و دیہی کونسلوں کے چھٹے انتخابات، پانچویں ماہرین اسمبلی اور گیارہویں پارلیمنٹ کے مڈ ٹرم انتخابات کے لئے ووٹنگ کا وقت شروع ہوتے ہی اپنا ووٹ ڈالا۔

ووٹ ڈالنے کے بعد اپنی مختصر گفتگو میں رہبر انقلاب اسلامی نے فرمایا کہ آج کے دن کے مالک عوام ہیں۔ عوام ہی اپنے ووٹ سے آئندہ برسوں کے لئے ملک کے کلی اور کلیدی معاملات کا تعین کریں گے۔

آیت اللہ العظمی خامنہ ای نے اپنی گفتگو میں ملک کے مستقبل کے تعین میں عوام کے کردار کی اہمیت پر روشنی ڈالتے ہوئے فرمایا کہ اس دن انتخابات میں عوام کی شرکت عقل کا تقاضا بھی ہے۔ آپ نے مزید فرمایا کہ ہم جو عوام کو ووٹنگ میں حصہ لینے کی مکرر دعوت دیتے ہیں تو اس شرکت کا فائدہ اور نتیجہ سب سے پہلے خود عوام کو ملتا ہے۔ البتہ عوام کی بھرپور شرکت سے ملک کو بھی بین الاقوامی سطح پر بہت سے فائدے حاصل ہوتے ہیں۔ تاہم ووٹ ڈالنے کا سب سے پہلا فائدہ خود عوام کو ہی پہنچتا ہے۔

رہبر انقلاب اسلامی نے اس نکتے پر زور دیا کہ ایک ووٹ بھی اہم ہے اور عوام سے گزارش کی کہ اللہ کا نام لے کر آگے بڑھیئے اور یہ کام انجام دیجئے، میری گزارش یہ ہے کہ اس اہم کام کو جلد از جلد انجام دیجئے، جتنی جلدی آپ اس فریضے کو ادا کر دیں گے اتنا ہی بہتر ہوگا۔

آیت اللہ العظمی خامنہ ای نے حضرت امام رضا علیہ السلام کے یوم ولادت کا حوالہ دیتے ہوئے اس امید کا اظہار کیا کہ انتخابات کا دن ملت ایران کے لئے جشن کا دن قرار پائے گا انتخابات سے عوام کا بھلا ہوگا۔

آخر میں رہبر انقلاب اسلامی نے انتخابات کے عہدیداران و کارکنان اور سامنے موجود نامہ نگاروں کی قدردانی کی۔

 امام خامنہ ای
۱۸/جون/۲۰۲۱

لیبلز

تبصرہ ارسال

You are replying to: .
1 + 3 =