حوزہ نیوز ایجنسی کے مطابق، حرم مطہر حضرت معصومہ سلام اللہ علیہا کے متولی آیت اللہ سید محمد سعیدی نے حرم مطہر کے منتظمین کے ساتھ منعقدہ ایک نشست میں گفتگو کرتے ہوئے کہا: زائرین کی تعظیم و تکریم اور ان کی خدمت کرنا فرض ہے۔
انہوں نے کہا: زائرین کی تعظیم ان عظیم افراد کی تعظیم اور خدمت ہے جو خدا کی عبودیت و بندگی اور ائمہ اہلبیت علیہم السلام سے محبت و مودت میں اس مقدس مقام پر تشریف لاتے ہیں۔
انہوں نے کہا: زائرین ان حرم ہای مطہر میں زیارت کے لئے آتے ہیں تاکہ وہ اطاعت خداوندی کو بجا لائیں۔ زائرین کا احترام اور ان کی تعظیم کی بنیاد قرآن کریم میں ملتی ہے۔
حرم مطہر حضرت معصومہ سلام اللہ علیہا کے متولی نے کہا: توجہ رہے کہ زائرین کو درحقیقت خدا اور اہل بیت علیہم السلام کی طرف سے دعوت دی گئی ہے۔ آپ لوگ جو کہ ان زائرین کی خدمت میں مصروف ہیں، درحقیقت ان خدمات کی برکت سے اپنے اوپر سے قیامت کی دہکتی ہوئی آگ کو ٹھنڈا کر رہے ہیں کیونکہ زائرین کی خدمت اگر خلوص سے انجام دی جائے تو عبادت شمار ہوتی ہے۔
