حوزہ نیوز ایجنسی کے مطابق، کویت کے البلاغ ثقافتی ادارے کے سربراہ عمار کاظم عبدالحسین محمد نے مجمع جهانی تقریب کے زیر اہتمام 37ویں وحدت کانفرنس کے ویبنار میں خطاب کرتے ہوئے کہا: انسانی اقدار رویوں، اصولوں اور اخلاقیات کا مجموعہ ہیں جن کی بنیاد پر انسان کی پرورش ہوئی اور وہ اپنی روزمرہ کی زندگی ان رویوں، اصولوں اور اخلاقیات کو استعمال کرتے ہوئے گزارتا ہے۔

انہوں نے کہا: ایک مہذب اور ترقی یافتہ معاشرے میں اقدار کو خاص اہمیت حاصل ہوتی ہے۔ اسلامی تہذیب کے فریم ورک میں بھی اقدار کی ترجیحات ہیں۔ یہ نہ سمجھا جائے کہ اقدار ماضی سے تعلق رکھتی ہیں اور آج قابل اطلاق نہیں ہیں۔

کویت کے البلاغ ثقافتی ادارے کے سربراہ نے کہا: قرآن پاک میں "وحدت و اتحاد" پر بہت تاکید کی گئی ہے۔ قرآن کریم مومن لوگوں کے درمیان تفریق اور جدائی کو پسند نہیں کرتا۔

انہوں نے مزید کہا: مذہب سب سے گہرا اور بااثر عنصر ہے جو انسان اور اس کے رویے کو متاثر کر سکتا ہے۔ اس وجہ سے اگر مختلف شعبوں اور میدانوں میں اتحاد کا ادراک ضروری ہے تو دینی میدان میں زیادہ ضروری ہے کیونکہ اگر صحیح دینی اقدار مسلمانوں کے دلوں، دماغوں اور افکار میں اپنی جگہ پاتی ہیں تو یہ انہیں تنازعات اور اختلاف کی رکاوٹوں پر قابو پانے کی طاقت دیتا ہے۔