حوزہ نیوز ایجنسی کی رپورٹ کے مطابق، یمن نے اسرائیل کے خلاف بحری مہم شروع کرنے کا اعلان کیا ہے، یمنی مسلح افواج کے ترجمان نے صیہونی حکومت کے خلاف بحری آپریشن کا اعلان کرتے ہوئے ایک بار پھر تاکید کی ہے کہ ہم اسرائیل کے تمام بحری جہازوں یا اسرائیل سے وابستہ اور تعاون کرنے والے بحری جہازوں کو خبردار کرتے ہیں کہ وہ یمنی افواج کے نشانے پر ہوں گے۔
یمن کی مسلح افواج کے ترجمان یحیی سریع نے کہا کہ یمن کے انقلابی رہنما کی ہدایات پر عمل کرتے ہوئے یمنی بحریہ نے ایک فوجی آپریشن شروع کیا اور بحیرہ احمر میں ایک اسرائیلی آبدوز کو قبضے میں لے لیا، انہوں نے کہا کہ ہماری افواج اس اسرائیلی جہاز کو یمن کے ساحل پر لے گئیں۔
یمن کی مسلح افواج کے ترجمان یحیی سریع نے کہا کہ ہم اسرائیلی طیارے کے مسافروں کے ساتھ اسلام کی تعلیمات کے مطابق برتاؤ کر رہے ہیں۔
یمنی فوج کے اس ترجمان نے ایک بار پھر تاکید کی ہے کہ ہم اسرائیل کے تمام بحری جہازوں یا اس حکومت سے وابستہ اور تعاون کرنے والے جہازوں کو خبردار کرتے ہیں کہ وہ یمنی مسلح افواج کے جائز اہداف ہوں گے۔
یحیی سریع نے کہا کہ ہم ان تمام ممالک کو متنبہ کرتے ہیں جن کے شہری بحیرہ احمر میں کام کرتے ہیں وہ اس حکومت سے تعلق رکھنے والے اسرائیلی جہازوں یا بحری جہازوں کے ساتھ کسی بھی قسم کی سرگرمیوں یا تعاون سے گریز کریں۔
یمنی فوج کے ترجمان نے کہا کہ ہم اس بات پر زور دیتے ہیں کہ وہ فریق جو خطے اور بین الاقوامی سرحدوں کی سلامتی اور استحکام کے لیے خطرہ ہے وہ صیہونی حکومت ہے۔
یحیی سریع نے نشاندہی کی کہ اگر بین الاقوامی برادری خطے کی سلامتی اور استحکام اور تنازعات کے پھیلاؤ میں دلچسپی رکھتی ہے تو اسے غزہ میں اسرائیل کے حملے روکنا ہوں گے۔
انہوں نے کہا کہ یمنی مسلح افواج کی طرف سے یہ کارروائی صرف اسرائیلی جہازوں اور حکومت سے تعلق رکھنے والے بحری جہازوں کو نشانہ بنانے کے لیے کی گئی۔
