حوزہ نیوز ایجنسی کے مطابق، مرکزی سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی حفظہ اللہ، قراقرم ہائی وے چلاس کے قریب مسافر بس کو پیش آنے والے واقعہ کے زخمیوں کی عیادت کے لیے ہسپتال گئے۔
رپورٹ کے مطابق انہوں نے زخمیوں کی عیادت کی اور جاں بحق ہونے والے افراد کے بلندی درجات کی اجتماعی دعا بھی فرمائی۔
ہسپتال انتظامیہ سے زخمیوں کی رپورٹ لی اور ان کے علاج معالجے کے حوالے سے ڈاکٹرز سے ملاقات بھی کی اور اسلامی تحریک گلگت، بلتستان کے ذمہ داران کو متوجہ کیا کہ زخمیوں کو ہر ممکن امداد اور تعاون فراہم کیا جائے۔
قابل ذکر ہے کہ مرکزی سیکرٹری جنرل کے ہمراہ مرکزی ڈپٹی سیکرٹری محمد علی قائد، مرکزی سیکرٹری اطلاعات جناب زاہد علی آخونزادہ بھی موجود تھے۔
