حوزہ نیوز ایجنسی کے مطابق، مرکزی سیکرٹری جنرل اسلامی تحریک پاکستان علامہ ڈاکٹر شبیر حسن میثمی کی اعلی سطحی وفد کے ہمراہ وزیر اعلی گلگت، بلتستان محترم جناب حاجی گلبر خان سے ملاقات ہوئی۔

رپورٹ کے مطابق اس موقع پر مرکزی سیکرٹری جنرل کی جانب سے جی بی حکومت میں شمولیت کے معاملے پر قائد ملت جعفریہ پاکستان حضرت علامہ سید ساجد علی نقوی کی رہنمائی کی روشنی میں اہم بات چیت ہوئی اور اسلامی تحریک گلگت بلتستان کے عوامی نکات اور اہم مسائل کے حل کی روشنی میں شمولیت کا باقاعدہ اعلان کیا گیا۔

سب سے پہلے زمینوں کے معاوضے کے چیک بھی حقداروں کو تقسیم کئے گئے۔

اس موقع پر مرکزی ڈپٹی سیکرٹری جناب محمد علی قائد، مرکزی سیکرٹری اطلاعات جناب زاہد علی آخونزادہ، گلگت، بلتستان رابطہ کمیٹی کے سربراہ حجت الاسلام علامہ شیخ مرزا علی ممبر جی بی اسمبلی جناب ایوب وزیری و دیگر تنظیمی ذمہ داران بھی موجود تھے۔