حوزہ نیوز ایجنسی کے مطابق، شیعہ علما کونسل پاکستان کے مرکزی نائب صدر علامہ عارف حسین واحدی نے گورنر پنجاب سردار سلیم حیدر خان سے ان کے گاؤں ڈھرنال ضلع اٹک میں ملاقات کی اور مختلف مسائل پر تبادلہ خیال کیا۔
رپورٹ کے مطابق علامہ عارف حسین واحدی نے انہیں گورنر بننے پر مبارکباد پیش کی، ملی، سیاسی اور سماجی امور کے علاوہ علاقے اور صوبے کی ترقی اور عوام کو ریلیف دینے کے حوالے سے تفصیلی گفتگو ہوئی۔
ملاقات کے دوران جناب سردار سلیم حیدر نے قائد ملت جعفریہ علامہ سید ساجد علی نقوی کے ساتھ فون پر گفتگو کی اور دعاؤں کی درخواست کی۔ قائد محترم نے ان کو یہ منصب سنبھالنے پر مبارکباد پیش کی، نیک خواہشات کا اظہار کیا اور کہا کہ ہم آپ کے لئے دعاگو ہیں۔
13:22 - 2024/05/15