حوزہ نیوز ایجنسی کی رپورٹ کے مطابق، امام رضاؑ فاؤنڈیشن اور مجلس وحدت مسلمین کی جانب سے 18 ذو الحجہ عید خم غدیر کی مناسبت سے ٹھنڈے پانی اور شربت کی سبیل کا اہتمام کیا گیا۔

میرپوربٹھورو میں امام رضا ؑ فاؤنڈیشن اور مجلس وحدت مسلمین کے رہنماؤں نے کہا کہ 18 ذو الحجہ کو حج سے واپسی پر خم کے میدان میں صحابہ ؓکرام سے رسول اللہ ؐ نے تاریخی خطبہ دے کر حضرت علیؑ ابن ابی طالب کو اپنے بعد مسلمانوں کا رہنماء بنانے کا اعلان فرمایا تھا جس خوشی میں دنیا بھر میں یہ دن جوش و جذبے سے دسترخواں سجا کر محافل و مجالس منعقد کرکے اپنی عقیدت کا اظہار کیا جاتا ہے۔

اسی سلسلے میں میرپور بٹھورو میں بھی جشن غدیر کے عنوان اور حبس، ہیٹ اسٹروک کو مدنظر رکھتے ہوئے ٹھنڈے مشروبات کی سبیل و کیمپ لگائے گئے۔