حوزہ نیوز ایجنسی کے مطابق، مرکزی سیکرٹری جنرل شیعہ علماء کونسل پاکستان علامہ شبیر حسن میثمی نے انٹرنیشنل کانفرنس بعنوان "رسول اکرم ص امت کو امام حسین ع کے پرچم تلے جمع کرتے ہیں" کانفرنس میں شرکت کی۔
رپورٹ کے مطابق اس کانفرنس کا انعقاد اسلام آباد میں امام حسین ع فاؤنڈیشن کی جانب سے کیا گیا تھا۔ جس کی میزبانی عراقی سفیر حامد عباس لفتہ اور جناب احسان حکیم نے کی۔
کانفرنس میں تمام مکاتب فکر کے بزرگ علماء کرام بالخصوص وزیر اعظم پاکستان کے مشیر خاص چیئرمین مرکزی رویت ہلال کمیٹی مفتی عبدالخبیر آزاد، مرکزی نائب صدر علامہ عارف حسینی واحدی و دیگر نے بھی شرکت کی۔
علامہ ڈاکٹر شبیر حسن میثمی نے خطاب کرتے ہوئے کہا: اس کانفرنس کے ذریعہ اور امام حسین علیہ السلام کے پرچم تلے ہم اتحاد و وحدت کا پیغام دیتے ہیں تاکہ مظلوم مسلمان جہاں بھی ہیں ان کی مدد کی جا سکے۔
