حوزہ نیوز ایجنسی کی رپورٹ کے مطابق، گزشتہ دن سرگودھا پاکستان کی قدیم درسگاہ دارلعلوم محمدیہ میں منعقدہ کانفرنس میں علمائے کرام و مبلغین کی کثیر تعداد نے شرکت کی۔
شرکاء سے خطاب کرتے ہوئے مقررین نے کہا کہ فلسطینی مجاہدین امت مسلمہ کی شناخت اور سرزمین و مقدسات کے دفاع کی جنگ لڑ رہے ہیں۔ فلسطین میں ہونے ظلم و بربریت پر امت مسلمہ کی خاموشی سنگین جرم ہے۔
مقررین نے کہا کہ غزہ مزاحمت کی علامت ہے۔ مظلومین غزہ کی حمایت و مدد میں امت مسلمہ کو یک زبان و یک جان ہوکر اقدام کرنا چاہیے۔
مجلس علماء امامیہ پاکستان کے زیر اہتمام ہفتہ وحدت کی مناسبت سے منعقدہ کانفرنس میں مقررین نے امت مسلمہ کے درمیان اتحاد و وحدت کی ضرورت و اہمیت پر زور دیا اور کہا کہ فلسطین سمیت امت مسلمہ کو درپیش جملہ مسائل کا حل وحدت امت میں ہے۔
