حوزہ نیوز ایجنسی کی رپورٹ کے مطابق، ایران کے شہر کازرون کے امام جمعہ حجت الاسلام صباحی پر آج نماز جمعہ کے بعد ایک مسلح شخص نے حملہ کیا، جس کے نتیجے میں انہیں زخمی حالت میں اسپتال منتقل کر دیا گیا۔
اطلاع کے مطابق نماز جمعہ کے بعد ایک شخص نے کازرون کے امام جمعہ پر گولی چلائی اور بعد ازاں خودکشی کر لی، واقعے میں امام جمعہ شدید زخمی ہوگئے اور انہیں فوری طور پر اسپتال پہنچایا گیا جہاں وہ اس وقت ان کا آپریشن جاری ہے اور ان کی حالت تشویشناک بتائی جا رہی ہے۔
کازرون کے خصوصی پولیس کمانڈر محمد علی بخرد نے بتایا کہ حملہ آور کی شناخت اور اس کے مقاصد تاحال معلوم نہیں ہوسکے ہیں۔ یاد رہے کہ ماضی میں بھی کازرون کے امام جمعہ حجت الاسلام محمد خرسند کو 2019 میں شبِ قدر کے بعد گھر کے سامنے شہید کیا گیا تھا، قاتل کو بعد ازاں پھانسی دے دی گئی۔