حوزہ نیوز ایجنسی کی رپورٹ کے مطابق، ملائیشیا کی وزارت خارجہ نے ایک بیان میں کہا کہ یہ حملے بین الاقوامی قوانین کی صریح خلاف ورزی ہیں اور یہ خطے کے استحکام کو بری طرح متاثر کر رہے ہیں۔ وزارت خارجہ نے فوری طور پر ان کارروائیوں کے خاتمے اور تشدد کے سلسلے کو روکنے کا مطالبہ کیا۔
ملائیشیا کی وزارت خارجہ نے مزید کہا کہ اسرائیل کے بے قابو اقدامات مشرق وسطیٰ کے مستقبل کی سلامتی اور استحکام کو بری طرح متاثر کر رہے ہیں اور خطے کو ایک بڑے تصادم کے دہانے پر پہنچا رہے ہیں۔
ملائیشیا کی وزارت خارجہ نے یہ بھی کہا کہ تہران میں ملائیشیا کا سفارت خانہ اس صورتحال کو قریب سے مانیٹر کر رہا ہے اور اب تک ان حملوں میں کسی ملائیشیائی شہری کے زخمی ہونے کی اطلاع نہیں ملی ہے۔
