حوزہ نیوز ایجنسی کی رپورٹ کے مطابق، آیت اللہ العظمی نوری ہمدانی نے حزب مؤتلفہ اسلامی (Islamic Coalition Party) کے چودہویں جنرل اسمبلی اجلاس کے نام جاری اپنے پیغام میں کہا:

بِسْمِ اللَّهِ الرَّحْمَنِ الرَّحِیمِ

الْحَمْدُ لِلَّهِ رَبِّ الْعَالَمِینَ وَالصَّلَاةُ وَالسَّلَامُ عَلَی سَیِّدِنا وَنَبِیِّنَا أَبِی الْقَاسِمِ المصطفیٰ مُحَمَّد وَعَلَی أهلِ بِبَیتِه الطَّیِّبِینَ الطَّاہِرِینَ، سیَّما بَقیَّهَ اللَّهِ فِی الأرَضِینَ۔

میں اس معزز مجلس کو سلام و احترام اور حضرت بقیۃ اللہ الاعظم "عجل اللہ تعالی فرجہ الشریف" کے حضور عرض ادب پیش کرتا ہوں۔

لا یَستَوِی القاعِدونَ مِنَ المُؤمِنینَ غَیرُ أُولِی الضَّرَرِ وَالمُجاهِدونَ فی سَبیلِ اللَّهِ بِأَموالِهِم وَأَنفُسِهِم ۚ فَضَّلَ اللَّهُ المُجاهِدینَ بِأَموالِهِم وَأَنفُسِهِم عَلَی القاعِدینَ دَرَجَةً ۚ وَکُلًّا وَعَدَ اللَّهُ الحُسنیٰ ۚ وَفَضَّلَ اللَّهُ المُجاهِدینَ عَلَی القاعِدینَ أَجرًا عَظیمًا﴿ سوره نساء آیه۹۵﴾

قرآن کریم میں اللہ تعالیٰ نے ان مجاہدین کی تعریف کی ہے جو اس کی راہ میں جان و مال سے لڑتے ہیں اور انہیں اجر عظیم کا وعدہ دیا ہے اور حزب مؤتلفہ اسلامی بھی اس سمت میں اپنے پیشروؤں میں سے ایک ہے۔

آیت اللہ نوری ہمدانی نے امام خمینی(رح) کی تحریک کا ذکر کرتے ہوئے کہا: نصف صدی پہلے امام خمینی(رح) نے فیصلہ کیا کہ ایران، خطے اور دنیا سے ظلم، فساد، کفر، شرک اور الحاد کو ختم کیا جائے۔

انہوں نے کہا: امام کی تحریک نے ایک طاقتور اسلامی حکومت تشکیل دی اور آج ہم ایک خدائی نظام کے تحت دشمنوں کی سازشوں کے خلاف مضبوطی سے کھڑے ہیں۔

آیت اللہ نوری ہمدانی نے ایران اور اسلامی دنیا میں اتحاد و یکجہتی کی ضرورت پر زور دیتے ہوئے کہا: دشمن ایران اور اسلام کے دشمن ہیں اور وہ ہر روز پسپائی کا شکار ہو رہے ہیں جبکہ اہل ایمان کی صفیں یکجا ہو رہی ہیں اور جبهہ مقاومت تشکیل پا رہا ہے۔

انہوں نے مزید کہا: آج ہم ایک پیچیدہ شناختی اور نرم جنگ سے روبرو ہیں۔ ہمیں اس جنگ کے میدان اور دشمن کی حکمت عملی کو سمجھنا ہوگا کیونکہ اگر ہم غفلت برتیں گے تو یہ جیتی ہوئی جنگ ہم ہار جائیں گے۔

آیت اللہ نوری ہمدانی نے کہا: آج امریکہ اور صہیونیوں نے دہشت گرد گروپوں جیسے القاعدہ، داعش اور تحریر الشام کی مدد سے ایران اور جبهہ مقاومت کے خلاف سازشوں میں اضافہ کیا ہے لیکن ایران اسلامی ام القریٰ جهان اسلام ہے لہذا اس کا تحفظ سب سے اہم فریضہ ہے۔

انہوں نے حزب مؤتلفہ اسلامی کے کردار پر بھی تاکید کرتے ہوئے کہا: حزب مؤتلفہ اسلامی کو اہلِ ایمان کے اتحاد کی نمایندگی کرنا چاہیے اور اس پر مضبوطی سے قائم رہنا چاہیے۔ اتحاد اور یکجہتی ہی ہماری قومی طاقت کی ضامن ہیں اور اسی کے ذریعے ہم دشمن کا مقابلہ کر سکتے ہیں۔

آیت اللہ نوری ہمدانی نے آخر میں حزب مؤتلفہ اسلامی کی 60 سالہ خدمات کا ذکر کرتے ہوئے کہا: اس حزب کو اپنے کردار کو ولایت فقیہ کے زیرِ سایہ بھرپور طریقے سے ادا کرنا چاہیے اور اپنی میراث کو محفوظ رکھنا چاہیے۔

والسلام علی عباد اللہ الصالحین

حسین نوری همدانی