حوزہ نیوز ایجنسی کے مطابق، پاکستان کے وزیر خارجہ اسحاق ڈار نے اسلامی تعاون تنظیم (او آئی سی) کے وزراء خارجہ کے غیر معمولی اجلاس میں خطاب کرتے ہوئے کہا: پاکستان فلسطینی عوام کے ساتھ کھڑا ہے اور عرب لیگ کے فیصلے کی بھرپور حمایت کرتا ہے۔
انہوں نے کہا: غزہ کی تعمیر نو کے ساتھ ساتھ یہ بھی ضروری ہے کہ اسرائیل فلسطینیوں پر جاری مظالم بند کرے اور عالمی قوانین کی پاسداری کرے۔
قابل ذکر ہے کہ اسلامی تعاون تنظیم (او آئی سی) کے وزراء خارجہ کا غیر معمولی اجلاس سعودی عرب کے شہر جدہ میں او آئی سی کے ہیڈ کوارٹر میں منعقد ہوا۔ جس میں فلسطینی عوام کے خلاف اسرائیلی جارحیت، فلسطینیوں کی جبری نقل مکانی اور ان کی سرزمین کے الحاق کے منصوبوں پر گفتگو کی گئی اور فلسطینی عوام کو جبراً غزہ سے بےدخل کرنے کے کسی بھی بیان کو مسترد کر دیا گيا۔ اجلاس میں تنظیم کے رکن ممالک نے شرکت کی۔ پاکستان کی نمائندگی وزیر خارجہ اسحاق ڈار نے کی۔
آپ کا تبصرہ