حوزہ نیوز ایجنسی کی رپورٹ کے مطابق، اقوام متحدہ کے رکن ممالک کے سفارتکاروں نے اسلامی جمہوریہ ایران کے نمائندہ دفتر میں حاضر ہو کر بندر عباس سانحے پر، ایران سے تعزیت کی ہے۔
رپورٹ کے مطابق، نیویارک میں اقوام متحدہ کے رکن ممالک کے سفرا اور نمائندگان نے بندر عباس کی شہید رجائی بندرگاہ پر پیش آنے والے افسوسناک حادثے پر اسلامی جمہوری ایران کے دفتر کا دورہ کیا اور تعزیت پیش کی ہے۔
اس موقع پر اقوام متحدہ میں ایران کے مستقل مندوب جناب امیر سعید ایروانی اور ان کی معاون زہراء ارشادی نے دنیا کے مختلف ممالک سے تعلق رکھنے والے نمائندوں کا خیر مقدم کیا، جو اس المناک واقعے کی یاد میں تعزیتی رجسٹر پر دستخط کرنے کے لیے آئے تھے۔
مختلف ملکوں کے سفرا اور سفارتی نمائندوں نے ایرانی سفیر سے ملاقات کی اور اپنے اپنے ممالک کی نمائندگی کرتے ہوئے اسلامی جمہوریہ ایران اور خاص طور پر متاثرہ خاندانوں سے گہرے رنج و غم کا اظہار کرتے ہوئے تعزیت کی۔
آپ کا تبصرہ