حوزہ نیوز ایجنسی کی رپورٹ کے مطابق، قائد ملت جعفریہ علامہ سید ساجد علی نقوی نے ایک بار پھر ایران پر سامراجی صہیونیوں کی کھلی جارحیت اور جنگ مسلط کرنے بھر پور مذمت کرتے ہوئے کہا: ایرانی جوابی حملوں نے صہیونیت کے تکبر کو خاک میں ملا دیا، صہیونیوں کے زوال کا آغاز ہو چکا ہے، موجود ہ صورتحا ل کے مطابق فلسطین، غزہ کو کھنڈر بنانے والے قابض صہیونی ٹولہ خود عبرت کا نشان بن رہا ہے ۔
انہوں نے کہا: طاقت کے نشے میں چور صیہونیوں کے مراکز کی ایران کے ہاتھوں تباہی و بربادی کے مناظر پوری دنیا دیکھ رہی ہے، صہیونیوں کی ملٹری بیسز، انفراسٹریکچر، بلند و بالا عمارتیں سب مٹی کا ڈھیر اور کھنڈر بن رہے ہیں۔ جس سے مظلوم فلسطینیوں اور غزہ کی عوام کے زخموں پر مرہم اور دکھوں کا مداوا ہو رہا ہے، دوسری جانب صہیونیوں کی جانب سے ایران پر حملوں و کھلی جارحیت اور جنگ پر پاکستانی عوام مکمل یکجہتی کے ساتھ برادر اسلامی ملک ایران کے ساتھ کھڑے ہیں۔
قائد ملت جعفریہ نے صہیونی حملوں میں اعلیٰ سرکاری عہدیداروں، کمانڈرز، سائنسدانوں سمیت کئی سویلین کی شہادتوں پر پاکستانی قوم و ملت کی جانب سے ایک بار پھر دلی ہمدردی اور گہرے دُکھ کا اظہار اور تعزیت و تسلیت اور شہداء کے درجات کی بلندی اور پسماندگان کیلئے صبر و جمیل کی دعا کی۔
علامہ ساجد نقوی نے مزید کہا: عالم اسلام کیلئے یہ سنہری موقع اور وقت کا تقاضا بھی ہے کہ وہ متحد ہوکر ایران کا ساتھ دیں تا کہ قابض سامراجی صہیونیوں کو منطقی انجام تک پہنچاتے ہوئے تاریخی شکست سے دوچار اور بیت القدس، فلسطین ،غزہ کو آزاد کرایا جاسکے۔
آخر میں قائد ملت نے 20 جون کو خطبات جمعہ میں اور بعد از نماز جمعہ ایرانی عوام کے ساتھ یکجہتی کا اظہار کرتے ہوئے سامراجی صہیونیوں کے حملوں کے خلاف ریلیاں اور بھرپور احتجاج کئے جانے کا بھی اعلان کیا۔
آپ کا تبصرہ