بس یہی کام کیا، جب بھی چلی نعت کی بات
میں نے قرآن پڑھا، جب بھی چلی نعت کی بات
صدفِ چشم میں اشکوں کے نگینے چمکے
ہوئی مقبول دعا، جب بھی چلی نعت کی بات
با وضو آگیا کاغذ کے مصلّے پہ قلم
لکھ دیا صلِّ علیٰ، جب بھی چلی نعت کی بات
خُلق میں خَلق میں منطق میں اے عکاّسِ نبی
یاد تو آتا رہا، جب بھی چلی نعت کی بات
مدحِ آئینہ ہے خود آئینہ گر کی تعریف
ہوگئی حمدِ خدا، جب بھی چلی نعت کی بات
دیکھئیے لازم و ملزوم کی بے مثل مثال
ذکرِ عمران چلا، جب بھی چلی کی بات
آگئی یادِ نبی اس میں مکیں کی صورت
دل بنا غارِ حرا، جب بھی چلی نعت کی بات
قفسِ سینۂ نوری سے بہ سوئے طیبہ
دل کا پنچھی ہے اڑا، جب بھی چلی نعت کی بات
۔۔۔۔۔۔۔۔۔۔۔۔۔۔۔۔۔۔۔
از قلم: مولانا محمد ابراہیم نوری قمی
آپ کا تبصرہ