شاعر: مولانا محمد ابراہیم نوری
مظہرِ علمِ پیمبر صادقٔ
جہل کے دل پہ ہیں نشتر صادقٔ
اور تو کچھ بھی مجھے یاد نہیں
آپ کا نام ہے ازبَر صادقٔ
دور رہنا ہے جہالت سے اگر
کیجئے، وِرد، برابر صادقٔ
حفظ کر کر کے حدیثیں تیری
آگیا ہوں سرِ منبر صادقٔ
زینتِ بزمِ صداقت ٹھہرا
آپ کا نامِ مطہّر صادقٔ
تیرا شاگرد امامِ اعظم
کون ہے تیرے برابر صادقٔ؟
جن زمینوں میں ہے مدحت تیری
ہے فلک ان کا مقّدر صادقٔ
پڑھتے پڑھتے ترا نورانی سخن
بن گیا ہوں میں سخنور صادقٔ
یا نبی آپ کے نوریَ گھر میں
ہو بہو آئے مکرّر صادقٔ
۔۔۔۔۔۔۔۔۔۔۔۔۔۔۔
از قلم: مولانا ابراہیم نوریَ
آپ کا تبصرہ