حوزہ نیوز ایجنسی کی رپورٹ کے مطابق، غاصب اسرائیلی میڈیا کے مطابق، حریدی فرقے سے تعلق رکھنے والے کم از کم آٹھ فوجی بیرون ملک فرار ہونے کے دوران بن گوریان ایئرپورٹ پر گرفتار کیے گئے ہیں۔
صیہونی ذرائع ابلاغ کے مطابق، صیہونی فوج سے بھاگنے والے کم از کم آٹھ حریدی یہودیوں کو بن گوریان ایئرپورٹ پر گرفتار کرلیا گیا ہے۔
رپورٹ کے مطابق، یہ افراد فوجی سروس سے غائب تھے اور ائیرپورٹ پر گرفت میں آئے ہیں۔
غزہ میں جاری طویل جنگ کے نتیجے میں صیہونی فوج شدید افرادی قوت کی کمی کا شکار ہے، جبکہ حریدی یہودی مسلسل فوج میں بھرتی سے انکار کرتے آرہے ہیں۔
واضح رہے اس سے قبل چیف آف اسٹاف ایال زامیر نے خبردار کیا تھا کہ غزہ کے خلاف جنگ میں فوج کو افرادی قوت کی کمی کا سنگین مسئلہ درپیش ہے۔
آپ کا تبصرہ