حوزہ نیوز ایجنسی؛ الجزیرہ کے مطابق، غزہ میں غاصب اسرائیلی جنگی طیارے ہر 10 سے 15 منٹ بعد بے گھر فلسطینیوں کی پناہ گاہوں کو نشانہ بنا رہے ہیں جس سے اکثر لوگوں کو محفوظ مقام پر منتقل ہونے کا وقت نہیں مل رہا۔
ہفتے کو اسرائیل نے 3 فضائی حملوں میں غزہ کے جنوب مغرب میں واقع پبلک پراسیکیوشن بلڈنگ کو نشانہ بنایا۔
شمالی غزہ میں اسرائیلی فضائیہ نے رہائشی عمارتوں پر بم برسائے، ان حملوں میں مجموعی طور پر مزید 50 سے زائد فلسطینی شہید ہوگئے۔
اسرائیلی فوج نے ہفتے کو غزہ میں حملے جاری رکھے اور بھوکے پیاسے اور خوف زدہ فلسطینیوں کو اپنی جان بچانے کے لیے بھاگ جانے کی وارننگ پر مبنی پمفلٹ گرائے۔
الجزیرہ کے مطابق، وسطی غزہ کے بریج کیمپ پر اسرائیلی حملے میں ایک شخص شہید ہوا، جبکہ اسپتال کے ذرائع کا کہنا ہے کہ فلسطین اسٹیڈیم میں بے گھر افراد کے خیمے پر اسرائیلی حملے میں 4 افراد شہید ہوئے۔ خان یونس میں اسرائیلی حملے میں 3 فلسطینی شہید ہوگئے۔
الجزیرہ کے مطابق، ہفتے کو غزہ میں اسرائیلی حملوں میں مجموعی طور پر 50 سے زائد فلسطینی شہید ہوئے۔
واضح رہے حملوں کے علاوہ بھوک کی شدت سے بھی 7 اور فلسطینی انتقال کر گئے۔
فلسطینی میڈیا کے مطابق، غاصب اسرائیل نے غزہ میں نسل کُشی کے لیے 8 ارب ڈالر فنڈز کی منظوری دے دی ہے۔
آپ کا تبصرہ