حوزہ نیوز ایجنسی کی رپورٹ کے مطابق، آیت اللہ العظمیٰ ناصر مکارم شیرازی نے قم المقدسہ میں انقلاب اسلامی کے کے علمبردار؛ مرحوم آیت اللہ محمد یزدی کی یاد میں منعقد ہونے والے کانفرنس کے منتظمین سے ملاقات کے دوران کہا کہ علماء اور اسلامی نظام کے خدمت گزاروں کی قدردانی دراصل ان کے حقوق کی ادائیگی اور نئی نسل کو خدمتِ دین کے راستے پر گامزن کرنے کا ذریعہ ہے۔
انہوں نے کہا کہ ایسے اجتماعات کے تین اہم فوائد ہیں:
اولاً، یہ بزرگ علماء اور خدمت گزاروں کے حقوق کی ادائیگی ہے جنہوں نے اسلام اور انقلاب کے لیے بے پناہ قربانیاں دیں؛
ثانیاً، یہ نئی نسل کے لیے ایک عملی درس ہے کہ جب وہ دیکھتی ہے کہ گذشتہ بزرگوں کی عزت کی جاتی ہے، تو وہ بھی انہی کے راستے پر چلنے کی ترغیب پاتی ہے؛
ثالثاً، یہ عمل عشق خدا حاصل کرنے کا سبب بنتا ہے، کیونکہ اللہ شکر گزار اور قدردان بندوں سے محبت کرتا ہے۔
آیت اللہ مکارم شیرازی نے مرحوم آیت اللہ محمد یزدی کی علمی، سیاسی اور سماجی خدمات کو سراہتے ہوئے انہیں اسلامی نظام کی ایک مؤثر اور مخلص شخصیت قرار دیا۔ انہوں نے کہا کہ آیت اللہ یزدی نے اپنی پوری زندگی دین، انقلاب اور ملت کی خدمت کے لیے وقف کی، اور ان کی خدمات ہمیشہ تاریخ میں زندہ رہیں گی۔
آپ کا تبصرہ