حوزہ نیوز ایجنسی کی رپورٹ کے مطابق، مولانا سید کلب جواد نقوی نے راجہ سلیم پور میں مرحوم سید محمد سجاد زیدی کے چالیسویں کی مناسبت سے سلیم پور ہاؤس قیصر باغ میں منعقدہ مجلسِ عزاء سے خطاب کرتے ہوئے کہا کہ زبان حال سے ہر ذی روح الله تعالٰی کا ہی سجدہ کر رہا ہے۔
مجلسِ چہلم کا آغاز تلاوتِ قرآنِ کریم سے ہوا، جس کے بعد شعراء نے منظوم نذرانہ عقیدت پیش کیا۔
حجت الاسلام والمسلمین مولانا سید کلب جواد نقوی امام جمعہ لکھنؤ نے قرآنِ کریم کے سورۂ رعد کی پندرہویں آیت "اور جو آسمانوں اور زمینوں میں ہیں وہ سب خوشی یا ناخوشی سے الله کا ہی سجدہ کر رہے ہیں اور ان کے سائے بھی صبح و شام (اسی کو سجدہ کناں ہیں)۔ " کو سرنامہ کلام قرار دیتے ہوئے کہا کہ ہر ذی روح الله تعالٰی کا سجدہ کر رہا ہے اور کائنات کا ذرہ ذرہ اس کی تسبیح کر رہا ہے۔
مولانا سید کلب جواد نقوی نے مزید کہا کہ زبان حال سے ہر ذی روح الله تعالٰی کا ہی سجدہ کر رہا ہے۔
مولانا سید کلب جواد نقوی نے راجہ سلیم پور مرحوم سید محمد سجاد زیدی کا ذکر کرتے ہوئے ان کی خدمات کو سراہا اور بیان کیا کہ مرحوم سید محمد سجاد زیدی انتہائی آداب و احترام سے سید الشہداء امام حسین علیہ السلام کی عزاداری کرتے تھے اور ضرورت مندوں کی اس طرح مدد کرتے کہ کسی کو خبر نہ ہو۔
مجلس چہلم میں دینی، مذہبی، علمی، تعلیمی، سیاسی، سماجی، ثقافتی اور صحافتی شخصیات کے علاوہ کثیر تعداد میں مؤمنین نے شرکت کی۔
آپ کا تبصرہ