حوزہ نیوز ایجنسی کی رپورٹ کے مطابق، آثار و افکار اکادمی کے تحت بہترین کتب و انعامات اور اعزازات تقسیم کرنے کی اٹھائیسویں پُروقار تقریب ڈاکٹر ہلال نقوی کی زیرِ صدارت مسجد آل عباء گلبرگ کراچی میں منعقد ہوئی۔
تقریب سے اکادمی کے منتظم اعلیٰ علامہ حسن ظفر نقوی نے خطاب کرتے ہوئے اکادمی کے اعراض و مقاصد کو بیان کیا اور کہا کہ موجودہ حالات میں قومی زبان کو نقصان پہنچ رہا ہے ضروری ہے کہ اس کی ترویج و ترقی کے لیے کام کیا جائے اور نئے لکھنے والوں کی حوصلہ افزائی کی جائے۔
ڈاکٹر ہلال نقوی نے اکادمی کے بانی مرحوم ساحر لکھنؤی کو زبردست خراجِ تحسین پیش کرتے ہوئے کہا کہ ساحر لکھنؤی نے اکادمی قائم کر کے بہترین خدمات انجام دیں۔
اس موقع پر اسلام آباد سے آئے ہوئے مہمان معروف دانشور علی اکبر ناطق کی کتاب کوفہ کا مسافر کو سال کی بہترین کتاب قرار دیا گیا۔
تقریب سے اکادمی کے جنرل سیکریٹری دانش مہدی کے علاوہ ڈاکٹر رضا داؤدانی، فراست حسین رضوی، علامہ باقر حسین زیدی نے خطاب کیا، جبکہ شعراء، مصنفین اور مؤلفین کے علاوہ ادبی دوستوں نے بھرپور شرکت کی۔
پروگرام میں علامہ آل احمد بلگرامی، لخت حسنین زیدی، عارف مانی، مفتی محمد ہاشم، علامہ قنبر علی شاہ، مولانا رجب علی بنگش، علامہ شبیر طاہری اور رضی حیدر رضوی بھی شریک ہوئے۔
آپ کا تبصرہ