حوزہ نیوز ایجنسی کی رپورٹ کے مطابق، حماس کے سربراہ خلیل الحیہ نے ایک ویڈیو بیان میں غاصب اسرائیلی حملے میں سنیئر کمانڈر راعد سعد کی شہادت کی تصدیق کردی ہے۔
انہوں نے غزہ پر غاصب اسرائیلی فوج کے مسلسل حملوں کو جنگ بندی معاہدے کی کھلی خلاف ورزی قرار دیتے ہوئے امریکہ پر زور دیا کہ وہ قابض اسرائیل کو معاہدے کی پاسداری پر مجبور کرے۔
عرب میڈیا کے مطابق، نیتن یاہو کے احکامات کے بعد اسرائیلی فوج نے ایک روز قبل غزہ شہر میں ایک گاڑی پر حملہ کیا، جس کے نتیجے میں 5 افراد شہید، جبکہ 25 سے زائد زخمی ہوئے۔
اسرائیل نے اس حملے میں حماس کمانڈر کو مارنے کا دعویٰ کیا تھا؛ تاہم حماس کے سربراہ خلیل الحیہ نے ایک ویڈیو بیان میں اسرائیلی حملے میں سینیئر کمانڈر راعد سعد کی شہادت کی تصدیق کردی۔
واضح رہے راعد سعد کی شہادت اکتوبر میں ہونے والی جنگ بندی کے بعد فلسطینی تنظیم کی کسی اعلیٰ شخصیت کی سب سے نمایاں شہادت قرار دی جا رہی ہے۔
غزہ کے مقامی حکام کے مطابق، 10 اکتوبر سے نافذ جنگ بندی کے باوجود اسرائیل کی جانب سے غزہ پر روزانہ حملے جاری ہیں۔
یاد رہے جنگ بندی کے بعد سے تقریباً 800 حملے کیے جا چکے ہیں، جن کے نتیجے میں 386 افراد شہید ہوچکے ہیں۔
یہ بات بھی قابلِ ذکر ہے کہ غاصب اسرائیل غزہ میں انسانی امداد کی آزادانہ ترسیل میں رکاوٹ ڈال رہا ہے، جو جنگ بندی کی شرائط کے کھلی خلاف ورزی ہے۔
یاد رہے کہ گزشتہ ہفتے اقوامِ متحدہ کی جنرل اسمبلی نے بھاری اکثریت سے ایک قرارداد منظور کی تھی جس میں اسرائیل سے مطالبہ کیا گیا تھا کہ وہ غزہ میں بلا رکاوٹ انسانی امداد کی اجازت دے، اقوامِ متحدہ کی تنصیبات پر حملے بند کرے اور بین الاقوامی قوانین کی پابندی کرے۔
آپ کا تبصرہ