حوزہ نیوز ایجنسی کی رپورٹ کے مطابق، اس پروگرام کا بنیادی مقصد امریکہ اور صیہونی حکومت کے میزائل حملے میں شہید ہونے والے مدرسہ "شجرہ طیبہ میناب" کے شہید طلباء کو خراج تحسین پیش کرنا تھا۔ اس کے علاوہ اس موقع پر عالمی امن، انسانی ہمدردی کے پیغام اور دنیا بھر میں بچوں کے حقوق کے تحفظ کی ضرورت پر بھی زور دیا گیا۔
اس تقریری مقابلے میں APPSMA سے وابستہ مختلف اسکولوں کے طلباء نے اپنے تقاریر میں کہا: بچوں کو کبھی بھی جنگوں اور تنازعات کا حصہ نہیں بنایا جانا چاہیے اور ان کے لیے ایک محفوظ، پرامن اور مناسب تعلیمی ماحول فراہم کرنا عالمی برادری کی مشترکہ ذمہ داری ہے۔
انہوں نے گہرے افسوس کا اظہار کرتے ہوئے کہا: امریکہ اور صیہونی حکومت جیسے ممالک اپنے سیاسی اور اسٹریٹجک مفادات کے حصول کے لیے ایسے اقدامات کرتے ہیں جن کے نتیجے میں معصوم انسانوں، خاص طور پر بچوں کی جانیں ضائع ہوتی ہیں۔
شرکاء نے شجرہ طیبہ میناب کے شہید طلباء سے اظہار یکجہتی کرتے ہوئے اس واقعے کی شدید مذمت کی اور بین الاقوامی سطح پر اس کے مجرمان کے منصفانہ ٹرائل کا مطالبہ کیا۔
راولپنڈی میں ایران کے ثقافتی مرکز کے سربراہ مہدی طاہری نے کہا کہ ایران ہمیشہ جنگ اور تشدد کا مخالف رہا ہے، لیکن ظلم اور ناانصافی کے سامنے کبھی تسلیم نہیں کرے گا۔ ایران کی قوم نے ہمیشہ حق اور عدالت کے راستے پر چلنے پر زور دیا ہے اور ہر قسم کے زور اور استبداد کے خلاف مزاحمت کی ہے۔
قابل ذکر ہے کہ یہ تقریری مقابلہ تین حصوں پر مشتمل تھا جس میں طلباء نے اردو اور انگریزی میں تقریریں پیش کیں۔ ہر حصے میں تین بہترین طلباء کو ایوارڈز اور تعریفی اسناد سے بھی نوازا گیا۔
آپ کا تبصرہ