حوزہ نیوز ایجنسی کی رپورٹ کے مطابق، حوزہ علمیہ کے تعلیمی امور کے سرپرست حجت الاسلام والمسلمین ابوالقاسم مقیمی حاجی نے کہا: حوزہ علمیہ میں داخلہ لینا محض ایک تعلیمی انتخاب نہیں بلکہ دینِ اسلام، اہل بیت علیہم السلام کی تعلیمات اور عوام کی خدمت کے لیے ایک مقدس ذمہ داری قبول کرنا ہے۔
انہوں نے کہا: حوزہ علمیہ میں داخل ہونے والے طلبہ کو چاہیے کہ وہ اخلاص، تقویٰ، محنت اور علمی جدوجہد کو اپنا شعار بنائیں کیونکہ مستقبل میں انہیں معاشرے کی دینی، فکری اور ثقافتی ضروریات کو پورا کرنے کی ذمہ داری سنبھالنی ہے۔
حوزہ علمیہ کے تعلیمی امور کے سرپرست نے کہا: حوزاتِ علمیہ ہمیشہ سے ایسے علماء، مبلغین، اساتذہ اور دینی رہنماؤں کی تربیت کا مرکز رہے ہیں جو اسلامی معارف کی ترویج اور معاشرے کی فکری رہنمائی میں بنیادی کردار ادا کرتے ہیں۔
انہوں نے کہا: طالب علمی کا راستہ ایثار، استقامت اور مسلسل خودسازی کا راستہ ہے لہٰذا جو نوجوان اس راہ کا انتخاب کرتے ہیں انہیں چاہیے کہ وہ علم و عمل کے ساتھ اپنے اخلاق اور کردار کو بھی سنواریں تاکہ دین کا پیغام مؤثر انداز میں لوگوں تک پہنچا سکیں۔
حوزہ علمیہ کے تعلیمی امور کے سرپرست نے مزید کہا: حوزہ علمیہ میں تعلیم حاصل کرنا ایک عظیم نعمت اور توفیقِ الٰہی ہے، اس لیے طلبہ کو اس موقع سے بھرپور استفادہ کرتے ہوئے اپنی تمام تر صلاحیتیں دین، معاشرے اور امتِ اسلامی کی خدمت کے لیے وقف کرنی چاہئیں۔
آپ کا تبصرہ