حوزہ نیوز ایجنسی کی رپورٹ کے مطابق،مرکز تحقیقات اسلامی بعثت قم المقدسہ میں شعبۂ تعلقات عامہ اور تحریکِ بیداری امت مصطفیٰ شعبۂ قم کی ہم آہنگی سے حجت الاسلام و المسلمین جعفر علی میر کے ساتھ قم المقدسہ میں مقیم بعض طلاب کرام کی ایک صمیمانہ نشست منعقد ہوئی؛ جس میں پاکستان کے مدارس دینیہ و حوزات علمیہ کے مستقبل کے حوالے سے گفتگو ہوئی اور اس بات کا جائزہ لیا گیا کہ مدارس دینیہ اور حوزات علمیہ کے نظام اور نصاب میں بہتری اور پیشرفت کیسے ممکن ہے۔
جناب جعفر علی میر نے اس بات پر زور دیا کہ قوم و ملت خصوصاً تشیع کے نظام اور مدارس کی بہتری کے لیے افرادی قوت قم المقدسہ میں تیار کی جائے اور باصلاحیت اور با استعداد افراد کو مزید بہتر ماحول دیکر اس مقصد کے لیے آمادہ کیا جائے۔
مدیر مؤسسہ جناب محمد یزدان حیدر اور دیگر منتظمین نے اس بات کا اعادہ کیا کہ مرکز تحقیقات اسلامی بعثت قم المقدسہ اس اہم کام کے لیے مکمل آمادہ و تیار ہے اور جلد اس حوالے سے مؤثر اقدامات اٹھانے کے لیے سعی و کوشش کی جائے گی۔
آپ کا تبصرہ