1. اصلی صفحہ
  2. پاکستان
جمعہ 22 مئی 2020 - 03:23
قرآن کتاب ہدایت ، تلاوت کرنے والوں کی مغفرت کی سفارش کرے گا، علامہ نیاز نقوی

قرآن کتاب ہدایت ، تلاوت کرنے والوں کی مغفرت کی سفارش کرے گا، علامہ نیاز نقوی

حوزہ/علامہ سید نیاز حسین نقوی نے کہا ہے کہ قرآن کتاب ہدایت ہے۔ ارشاد باری تعالی ہے کہ قرآن مجید کو لوگوں کی نصیحت کے لیے آسان لفظوں میں بیان کیا گیا ہے۔ کتاب الٰہی کے ہر لفظ کی تلاوت کے دس ثواب حاصل ہوں گے۔

حوزہ نیوز ایجنسی کی رپورٹ کے مطابق وفاق المدارس الشیعہ پاکستان اور ملی یکجہتی کونسل کے مرکزی نائب صدر علامہ سید نیاز حسین نقوی نے کہا ہے کہ قرآن کتاب ہدایت ہے۔ ارشاد باری تعالی ہے کہ قرآن مجید کو لوگوں کی نصیحت کے لیے آسان لفظوں میں بیان کیا گیا ہے۔ کتاب الٰہی کے ہر لفظ کی تلاوت کے دس ثواب حاصل ہوں گے۔ قیامت کے دن قرآن مجید اپنی تلاوت کرنے والوں کی مغفرت کی سفارش کرے گا، کہ یہ بندہ مجھے اہمیت دیتا اور میری تلاوت کرتا تھا۔جامعتہ المنتظرمیں خطاب کرتے ہوئے انہوں نے کہا کہ قرآن مجید کی اہمیت ،اس کی تلاوت اور غور و فکر ہے۔ قرآن کے پڑھنے ،سننے اور اس پر عمل کرنے کا ثواب ہے ۔ قرآن کتاب کامل ہے جس کی 114 سورتوں میں سے 80 مکی اور باقی 34 مدنی ہیں۔ قرآن میں احکامات الٰہی، نماز ،روزہ، حج ،زکوةٰ، حج ،جہاد کا ذکر جبکہ عقائد ،اخلاقیات، کافروں، منافقین کے تذکرہ کے ساتھ ساتھ سابقہ انبیاءکے واقعات بھی موجود ہیں ۔ ان کا کہنا تھا کہ اللہ تعالی نے ہر چیز قرآن میں نازل کی ہے اور قیامت تک کے تمام امور کا اجمالی ذکر اوررہنمائی قرآن مجید سے ملتی ہے۔ جبکہ ان کی تفصیلات پیغمبر اکرم اوراہل بیت ااطہار نے بیان کردی ہے۔علامہ نیاز نقوی نے کہا کہ خاتم الانبیاءحضرت محمد مصطفی صلی اللہ علیہ وآلہ وسلم نے حدیث ثقلین میں واضح کیا کہ میں دو قیمتی چیزیں قرآن اور اہل بیت امت کے درمیان چھوڑ کر جارہا ہوں۔ دونوں سے تمسک رکھیں۔ انہوں نے کہا کہ امت غفلت نہ کرے ،رسول اللہ کی شفاعت صرف قرآن اور اہل بیت دونوں سے تمسک رکھنے والوں کو ہی نصیب ہوگی، صرف قرآن کو مان کر اہل بیت کو چھوڑنے والے اور صرف اہل بیت کو مان کر قرآن کو چھوڑنے والے دائرہ اسلام سے خارج ہیں ،چونکہ رسول اللہ نے دونوں سے تمسک کا حکم دیا ہے کسی ایک سے نہیں۔

News ID:360705

لیبلز

آپ کا تبصرہ

You are replying to: .
captcha