حوزہ نیوز ایجنسی کی رپورٹ کے مطابق،گلگت/حالیہ طوفانی بارشوں کی وجہ سے جہاں پاکستان کے چاروں صوبے متاثر ہوچکے ہیں وہاں گلگت بلتستان میں بھی جانی ومالی نقصانات سے عوام دوچار ہوچکے ہیں۔گلگت بلتستان بارشوں اور سیلابی ریلوں سے جو علاقے متاثر ہوچکے ہیں ان میں موضع بوبر ضلع غذر موضع گورو جگلوٹ ضلع گلگت موضع ہوپر ضلع نگر اور تحصیل تانگیر ضلع دیامر قابل ذکر ہیں۔سرکاری سروے کے مطابق گلگت بلتستان میں کل 22ہلاکتیں ہوٸی ہیں جبکہ رہاٸشی مکانات اور انفراسٹرکچر بری طرح متاثر ہوگیا ہے۔گورو جگلوٹ بوبر اور تانگیر میں متاثرین کیلٸے خیمہ بستیاں قاٸم کی جاچکی ہیں۔

مجلس وحدت مسلمین شعبہ خواتین گلگت کی جانب سے حتی المقدور متاثرین کی امداد کیلٸے سرگرمیاں جاری ہیں جن کی تفصیل حسب ذیل ہے۔

١۔ لباس
متاثرین کیلٸے 4000 گرم جوڑے زنانہ۔۔
٢۔ بچوں کیلۓ 2000 گرم جوڑے
٣۔مردوں کیلۓ 300 جوڑے لیڈیز جینٹس 1500 سوئیٹر
٤۔ نوجوان لڑکوں کیلٸے پینٹ شرٹس 1500

کمبل و رضائیاں
١۔ کمبل 100
٢۔ رضاٸیاں۔35
٣۔گدیاں 100

خوراک
١۔ کھانے پینے کی ضروری اشیاٸے خوردونوش جن کی مالیت تقریبا ایک لاکھ اور نقدی ایک لاکھ گیارہ ہزار دو سو نقد رقم ہے۔

رہنما شعبہ خواتین مجلس وحدت مسلمین پاکستان محترمہ سائرہ ابراہیم نے اپٹی ٹیم کے ہمراہ صوبائی آفس گلگت میں رہنما الیاس صدیقی اور محترم برادر عارف قنبری کو نقدی اور دیگر سامان حوالہ کیا۔