حوزہ نیوز ایجنسی کی رپورٹ کے مطابق، بسیج روحانیون امام خمینی ٹرسٹ کی جانب سے شہیدان مدافعان حرم سردار مقاومت قاسم سلیمانی و ابو مہدی المہندس اور انکے دیگر آٹھ باوفا ساتھیوں کی تیسری برسی کی مناسبت پر منعقد کی گئی نمائش اور شہداء مقاومت کی خدمات پر مشتمل پانچ روزہ پروگرام شام اختتام پذیر ہوا۔
اطلاع کے مطابق، مذکورہ نمائش میں مختلف بستیوں سے دارالقرآن کے طلباء طالبات کے ساتھ ساتھ ضلع ہیڈکوارٹر کے قرب و جوار اور دور دراز علاقوں سے مومنین و مومنات کی بڑی تعداد نے شرکت کی۔
اس سلسلے میں مختلف گاؤں کے دارالقرآن منجملہ دارالقرآن امام علی علیہ السلام واکھا، دارالقرآن شیخ ذاکری ٹی وی اسٹیشن،دارالقرآن امام خمینی اندو، دارالقرآن قاسم سلیمانی۔ٹی وی اسٹیشن، دارالقرآن شھید مدرس اقچہ مل،دارالقرآن علامہ طباطبائی برو کلونی ، دارالقرآن امام حسین علیہ السلام منجی گونڈ ، دارالقرآن جعفر طیار منجی خاص سے 430 طالب علموں،کمیٹی ممبران و اساتذہ کرام نے مذکورہ نمایشگاہ میں حاضری دے کر علماء کرام سے مستفید ہوئے۔
اس موقع پر شیخ محمد حسین اخلاقی ،مولانا ناصر علی پشکم ، شیخ ابراہیم کریمی، شیخ خادم حسین صادقی، مولانا محبوب علی صوت،شیخ علی اکبر ولایتی اندو، شیخ ذاکر حیدری اور شیخ علی ارمان نے طلباء کو شہداء کے ایثاروفداکاری ، راہ ولایت وانسانیت کے تئیں ان کے خدمات کے بارے میں روشنی ڈالی۔
اس نمایشگاہ میں ثانی زہرا حضرت زینب کبریٰ سلام اللہ علیہا کے شبیہ روضہ مبارک بھی بنا ہوا ہے جہاں پر حضرت زینب بنت علی علیہما السلام کی انسانیت ساز قربانی اور انکی شجاعت و دلیری اور مستکبرین کے خلاف ان کے بہادرانہ قیام بارے میں بچوں کو آگاہی دی گئی علاوہ امام خمینی کنونشن ہال میں طلباء وطالبات نے ترانے اور شہداء کےحوالے سے مختلف پروگرام پیش کیے۔
مذکورہ نمایشگاہ کے پروگرام بطور احسن اختتام پذیر ہوا، اختتامی تقریب سے خطاب کرتے ہوئے وایس چیرمین امور مذہبی امام خمینی میموریل ٹرسٹ جناب حجتہ الاسلام شیخ بشیر شاکر نے کہا کہ اس طرح کی تقریب وقت کی اہم ضرورت ہے اور ہماری نئی نسل کو شہداء کی ایثار و فدا کاری سے سبق حاصل کرکے ملک وملت کی خدمات کا گر سیکھنے چاہیے اور اپنے مستقبل کو علم و عمل سے تابناک بنانے کا سبق شہداء سے ضرور حاصل کریں موصوف نے بسیج روحانیون کی انتھک محنت اور بسیج امام کی ہمکاری کو سراہتے ہوے ان کا شکریہ ادا کیا۔
اس موقع پر انچارج بسیج روحانیون نے پروگرام کے شروع سے آخر تک زحمات کرنے والے بسیج روحانیون کے تمام ممبران ،پانچ روزہ تقریب میں تبلیغ کرنے والے مبلغین اور بچوں کو طعام و تبرک کی بندوبست کرنے والے مختلف دارالقرآنوں کے کمیٹی ممبران، بسیج امام کے رضاکاروں، مختلف میڈیا سے تعلق رکھنے والے افراد منجملہ موسی ہاشمی ،محمد علی برچے جنہوں نے طلباء وطالبات کو مخصوص تبرک دیا اور میڈیا سیل امام خمینی میموریل ٹرسٹ کے شیخ علی آصفی ، پبلک سیٹی سکریٹری بسیج روحانیون شیخ ایوب صابری اور مجلس عاملہ امام خمینی میموریل ٹرسٹ کے علاوہ شروع سے اب تک نمایشگاہ میں آنے والے دارالقرآنوں کے کمیٹی ممبران و اساتذہ کرام و طلاب مخصوصا دارالقرآن مرکزی کے معلمات و زینبیہ ویمن ویلفیر سوسائٹی کا شکریہ ادا کیا۔