حوزہ نیوز ایجنسی کے مطابق، پاکستان کے شہر جنڈ میں 12 ربیع الاول جشن عید میلاد النبی (ص) کی مناسبت سے جلوس نکالا گیا۔ جس میں تاجر برادری اور عوام الناس سمیت شیعہ سنی علماء اور سیاسی عمائدین نے بھرپور شرکت کی۔

جشن عید میلاد النبی (ص) کے جلوس میں مولانا سید سعید حیدر ہمدانی، قاری ابرار حسین، مولانا لیاقت علی، قاری غلام فرید، ملک نوید حسین اور دیگر عمائدین نے شرکت کی۔

جامعہ جعفریہ جنڈ کے علاوہ دیگر دینی مدارس کے طلباء نے بھی شرکت کی اور اتحاد امت پر زور دیا۔ پروگرام کے آخر میں ملکی سلامتی کے لئے بھی دعا کی گئی۔