حوزہ نیوز ایجنسی کی رپورٹ کے مطابق، جموں و کشمیر؛ انجمنِ شرعی شیعیان کی جانب سے شہید آغا سید مہدی الموسوی الصفوی کو ان کی برسی پر شاندار خراجِ عقیدت پیش کرتے ہوئے شہید موصوف کی خدمتِ خلق اور مظلوم پروری کے مشن کو جاری و ساری رکھنے کا عزم اور اور شہید کی برسی کی مناسبت سے مرکزی امام بارگاہ بڈگام کی جامع مسجد میں شاندار مجلسِ ترحیم منعقد ہوئی اور شہید کے ایصال ثواب کے لیے قرآن خوانی اور فاتحہ خوانی کی گئی کئی۔
اس موقع پر مرکزی ذاکرین نے مرثیہ خوانی بھی کی۔
اس موقع پر انجمنِ شرعی شیعیان کے صدر حجت الاسلام والمسلمین آغا سید حسن الموسوی الصفوی نے شہید آغا سید مہدی کی سیاسی، سماجی اور فلاحی خدمات کو یاد کرتے ہوئے کہا کہ عوامی احساسات کی بے باک ترجمانی اور مظلوموں کی داد رسی کے معاملے میں شہید نے ایک قابلِ فخر مثال قائم کی، جو ہمارے لیے درس آموز ہے اور آج بھی عوام ان کے جذبہء ایثار و ہمدردی کے واقعات دہرا رہے ہیں۔
آغا صاحب نے کہا کہ شہید آغا سید مہدی نے اپنی مختصر سیاسی زندگی کے دوران ہمارے لیے گرانبہا خدمات انجام دیں، موصوف کی خدمات کو تادیر یاد رکھا جائے گا۔
آپ کا تبصرہ