حوزہ نیوز ایجنسی کی رپورٹ کے مطابق، مولانا سید حسین عالم نقوی (ہلوانہ سادات) نے مولانا سید نعیم عباس عابدی کی رحلت پر گہرے دکھ اور افسوس کا اظہار کرتے ہوئے ان کے عقیدت مندوں کی خدمت میں تعزیت پیش کی ہے۔
انہوں نے کہا کہ امام صادق علیہ السّلام نے فرمایا: جب کوئی مومن عالم دین مرتا ہے تو اسلام میں ایسا رخنہ پڑتا ہے جسے کوئی شئ پورا نہیں کر سکتی۔
انہوں نے مزید کہا کہ اس الم ناک خبر نے دل کو ہلا کر رکھ دیا افسوس شفیق و بزرگ میثم عصر عالم با عمل مبلغ معلم دین آفتاب خطابت بانئ جامعۃ المنتظر نوگانواں سادات (امروہہ یو۔پی۔)حجة الاسلام والمسلمین مولانا سید نعیم عباس صاحب عابدی رحمۃ اللّٰہ علیہ دہلی ہاسپیٹل 2025/فروری 25 کو دار فنا سے دارالبقاء کی جانب انتقال کر گئے۔
انہوں نے کہا کہ ان کی رحلت سے حلقۂ علم و ادب میں ایک ایسا خلا واقع ہوا ہے، جسے پر کرنا ممکن نہیں مولانا نہ فقط ایک بانئ ادارہ تھے، بلکہ اپنی ذات میں خود ایک ادارہ تھے، آپ نے دین کی خدمت نہ ایک عالم یا حاکم، بلکہ بقول خود کہ ایک مزدور کی طرح میں نے کام کیا ہے جس کی پاداش بجز خداوند متعال کوئی نہیں دے سکتا، ہم مرحوم استاد کے لیے دعائے مغفرت کرتے ہوئے ان کی رحلت کو سوگ کا دن قرار دیتے ہیں۔
انہوں نے مزید کہا کہ خدا مرحوم کی خدمات کو قبول فرمائے، جوار معصومین علیہم السّلام میں جگہ عطا فرمائے اور شاگردان و پسماندگان کو صبر جمیل عطا فرمائے۔
17:04 - 2025/02/26
آپ کا تبصرہ