حوزہ نیوز ایجنسی کی رپورٹ کے مطابق؛ چھٹی عالمی کانفرنس امام رضا (ع) کے علمی سیکریٹری نے تہران میں واقع میوزیم میں منعقدہ پریس کانفرنس سے خطاب کرتے ہوئے کہا کہ حرم امام رضا علیہ السّلام کی علمی کمیٹی کی منظوری سے اس دفعہ عالمی کانگریس کا انعقاد رضوی تعلیمات اور مفاہیم پر زور دیتے ہوئے اور اہلبیت(ع) کی تعلیمات سے مستفید ہوتے جو کہ الٰہی رول ماڈل ہیں، انسانی کرامت اور انسانی حقوق کے موضوع پر منعقد کی جائے گی، تاکہ عصر حاضر کے انسان کی بنیادی ضروریات کا جواب دیا جا سکے۔
حجت الاسلام سعید رضا آملی نے کہا کہ ایک ایسا دور جس میں الٰہی اقدار اور نجات بخش قوانین کی کھلم کھلا خلاف ورزی ہورہی ہے، ہر قسم کے تشدد کا ارتکاب کیا جا رہا ہے، غزہ میں نسل کشی کی جارہی ہے، اس دور میں ہم امام رضا(ع) چھٹی عالمی کانگریس کے ذریعے شیعہ ثقافت کی از سر نو تشریح اور مطالعہ کر کے ایک قابلِ تقلید قانونی نظام کو پیش کرنے کی کوشش کررہے ہیں۔
حجت الاسلام آملی نے کانفرنس کا پہلا موضوع تعلیمات اہلبیت (ع) خصوصاً امام رضا(ع) کی تعلیمات سے ماخوذ انسانی کرامت اور حقوق قرار دیا اور کہا کہ اس حصے میں انسانی کرامت، آئمہ کے فکری نظام میں اس کی نوعیت اور جہتیں کیا ہے، اسلام میں حقوق اور انسانی وقار کا فلسفہ، انسانی کرامت اور حیثیت کا احترام، توحید پرست مذاہب میں انسانی حقوق اور باہمی ذمہ داریوں کی ترقی کی بنیادوں کی شناخت، سیکولر انسانی حقوق کے نظریات اور اسلامی فریم ورک کے ساتھ انسانی حقوق کے تقابلی مطالعہ اور انفرادی تعلقات کی ضمانت، امت مسلمہ میں شہری حقوق، جبر و تشدد اور انسانوں کی توہین کا جائزہ یا جائے گا۔
امام رضا علیہ السّلام عالمی کانفرنس کے علمی سیکریٹری نے انسانی کرامت کے مختلف پہلوؤں کے بارے میں تفصیلات بتاتے ہوئے کہا کہ خدا کی جانب سے انسانی حقوق کی پاسداری سے متعلق معاملات، بندہ ہونے کا حق اور خدا کی بندگی کا حق، نماز، روزہ، زکواۃ، خمس کی شکل میں احکام الہیٰ کی پیروی کا حق، نیکی کا حکم اور برائی سے منع کرنا، انفرادی ذمہ داریوں اور سماجی تعیینات پر توجہ مرکوز کی گئی ہے۔
اس کے علاوہ سماج میں عدالت کا قیام، دوسروں کے انفرادی اور سماجی حقوق پر جبر اور تجاوز سے گریز، اخلاقیات کی پاسداری اور دوسروں کے حقوق کے احترام کی بنیاد فراہم کرنے اور انسانی کرامت کی بنیاد فراہم کرنے اور انسانی وقار کے احترام کے ساتھ فرد اور معاشرے کو سربلند کرنے جیسے موضوعات شامل ہیں۔
حجت الاسلام آملی نے اس کانفرنس کا تیسرا موضوع امام رضا(ع) کے تہذیبی افکار میں انسان کے بنیادی حقوق اور اہلبیت(ع) کا مکتب جانتے ہوئے کہا کہ اس حصے میں زندگی کا حق، انفرادی اور مدنی حقوق، خاندان کے حقوق اور ذمہ داریاں، سیاسی حقوق، سماجی و ثقافتی حقوق، معاشی حقوق، سماجی گروپوں کے حقوق کی خصوصی حمایت، معذوروں کے حقوق کی حمایت، مخصوص آبادی کے حقوق، انسانی حقوق اور ماحولیاتی حقوق کا جائزہ لیا گیا ہے۔
انہوں نے کہا کہ اس کانفرنس کا ایک اور موضوع انسانی کرامت اور حقوق کے تحفظ میں اسلامی روایت کے احیاء کے مواقع اور چیلنجز ہے، اس حصے میں سیکولر انسانی حقوق پر تنقید اور جامع انسانی حقوق کی بے توقیری کے خطرات، معاصر دنیا میں انسانی حقوق اور وقار کو درپیش چیلنجز، استعمار کا مقابلہ، امتیازی سلوک، انسانوں کا استحصال، مکالمے کا کردار اور انسانی حقوق اور وقار کو مضبوط بنانے کے لیے عالمی کاوشیں، میڈیا کی اہمیت، انسانی حقوق اور کرامت کو فروغ دینا اور بہتر بنانا اور خاص طور پر اسلامو فوبیا کا جائزہ لیا جائے گا۔
واضح رہے کہ اس کانفرنس کی افتتاحی تقریب پانچ مئی 2025 بروز سوموار کو منعقد ہوگی ۔
حرم امام رضا علیہ السّلام کی علمی و ثقافتی آرگنائزیشن کے سربراہ نے امام رضا(ع) عالمی کانفرنس کو گزشتہ سالوں میں حرم رضوی کی اہم اور مؤثر تقریبات میں شمار کرتے ہوئے کہا کہ اس تنظیم کے زیرِ اہتمام منعقد ہونے والی یہ کانفرنسیں رضوی طرزِ زندگی اور تعلیمات کو فروغ دینے کا بہترین موقع ہے۔
آپ کا تبصرہ